Popular Bible Verses from लूका 3

Deildu

जब सक्कु मनै डुब्कि लेलाँ और येशू फेन डुब्कि लेके प्राथना करतिहिँत, तब् स्वर्ग उघरगिलस। और पवित्र आत्मा शारीरिक रुपमे परेउना हस हुँकार उप्पर उतरल। तब् परमेश्वर स्वर्गमेसे येशूहे असिके कलाँ, “तैँ मोरिक दुलार छावा हुइते, तुहिसे मै गजब खुशी बतुँ।”

तब् यूहन्ना उ सक्कु जहनहे जवाफ देहल, “मै तुहुरिन्हे पानीलेके डुब्कि देथुँ। पर मोरिक पाछे अउइया महिन्से धेउर शक्तिशाली बताँ। जेकर जुत्तक टेनी खोल्ना लायकके मै नै हुइतुँ। ऊ तुहुरिन्हे पवित्र आत्मालेके और आगीलेके डुब्कि दिहीँ।

पर दण्डसे बँचक लग असिन काम करो, जिहिसे पता चले कि तुहुरे जात्तिकमे अपन मन बदलके पाप करना छोरदेले बतो। और अपन मनमने यी ना सोँचो कि परमेश्वर हम्रिहिन्हे दण्ड नै दिहीँ, काकरेकी अब्राहाम हमार बाबा हो। काकरेकी मै तुहुरिन्हे कहतुँ, परमेश्वर यी पठरामेसे अब्राहामके लग लरका सृजाई सेक्थाँ।

परमेश्वर उ सक्कु जहनके न्याय करक लग तयार बताँ, जे अपन मन बदलके पाप करना नै छोरत, ठिक ओस्तेके जसिके कुर्हार रहल कौनो मनैया उ रुख्वाहे काटक लग तयार रहत। अस्तेके प्रत्येक मनै जेने उ रुख्वक हस मजा फारा नै फरैथाँ, ओइने परमेश्वरसे दोषी ठहराजिहीँ और आगीमे फेँकादेजिहीँ।”

परमेश्वरके अगमवक्ता यशैयक किताबमे असिके लिखल बा, “उजाड़-ठाउँमे एकथो चिल्लुइयक बोली, परमप्रभुक डगर तयार पारो, हुँकार डगर सोझ बनाऊ। प्रत्येक दुन्ड्रा भँथारदेजाई, और प्रत्येक पहाड़ और प्रत्येक पख्वा बराबर करजाई। तेँर-बेँर डगर सोझ बनाजाई, और उँचखाल डगरहे बराबर बनाजाई। और सक्कु जाने ओइन्हे बँचाइक लग परमेश्वरके पठाइल मुक्तिदाताहे देख्हीँ।”