Popular Bible Verses from Luke 14

Deildu

So̱n'diħˑgwa'naħˑot' no̱o̱ˑgweh' neħˑhuh' ă̱ntˑhat'go̱nˑdʋk he'gyaħˑdaaˑdeħ, ă̱ˑgă̱'a̱a̱k naeh' deˑos'waˑă̱s nòòħˑnih, kuh noˑnoħ'ă̱h, kuh nee'yòòħ, kuh nookˑsaħ'daħˑsho̱ħ, kuh ne deˑaˑdă̱ă̱ˑno̱nˑdeeħ haˑdiˑjiˑno̱h' wă̱ˑni'o̱sˑho̱ħˑo̱h kuh, ha'eħˑgwah kuh ho̱o̱'heħ ne'aˑo̱ˑhwa̱ħ, tă̱ħˑă̱h' deħˑoˑgweˑnyo̱o̱h neh, iiħ a'eˑiˑo̱ˑnya'niˑaak.

Neħ kuh neh, so̱n'diħˑgwa'naħˑot ă̱ˑgă̱ˑa̱a̱k deˑa'wiħ no'oˑwă̱h' ne deˑga'yahˑso̱nt, tă̱ħˑă̱h' deħˑoˑgweˑnyo̱o̱h neh, iiħ aˑeˑiˑoˑnya'niˑaak.

Neħ să̱ħ'ă̱h neħ, so̱n'diħˑgwa'naħˑot heħtˑgă̱h' ă̱ˑoˑdaˑdo̱'niˑaak, ehˑdaħ'gĕh ă̱sˑho̱'wa̱ˑyo̱o̱ˑniħ; neħ' kuh neh, ehˑdaħ'gĕh ă̱ˑoˑdaˑdo̱'niˑaak heħˑtgă̱h' ă̱ˑo̱'wa̱ˑis.

Neħˑhuh dih ha'eħˑgwah niˑyòħ'dă̱ă̱h, so̱n'diħˑgwa'naħˑot' nă̱ˑgă̱ă̱' heˑniˑswaˑdiih, nă̱ˑgă̱ˑa̱a̱k gaˑgweeˑgo̱h' deˑot'gaħˑwă̱ă̱ħ he'niˑooˑyă̱ħ, tă̱ħˑă̱h deħˑoˑgweˑnyo̱o̱h neh, iiħ aˑeˑiˑo̱ˑnya'niˑaak.

Neħ' waeh, neh, So̱'nahˑot' heˑniˑswaˑdiih' nă̱ˑehˑheˑaak ă̱ˑgaħ'no̱hˑso̱ˑniiħ ă̱ˑgas'dă̱ˑoˑdaħk, ne neħ' yaaˑeħ o̱n'daˑdyeˑă̱nt' na'aˑdyă̱ă̱ħ o̱nˑdaˑasˑheet' kuh heˑnă̱ˑgaˑgăăħˑheħt, a'diħˑgwah' neħˑhuh' haħˑdeˑgaˑyeeˑiħ' he'niˑoˑyă̱ħ' nă̱ˑa̱nˑdyă̱'noħkˑdă̱ħ? Dyă̱ˑgwah' să̱ħ'ă̱h sho̱ noˑnă̱h dă̱ntˑhos'dă̱ˑă̱ˑdo̱o̱k he'o̱ˑweh' ă̱ˑwa̱nˑdăˑdă̱ħ, tă̱ħˑă̱h gwa' naeh deħˑoˑgweˑnyo̱o̱h' na'aˑdyă̱ˑnoħkˑdă̱ħ, gaˑgweeˑgo̱h heˑniˑyo̱o̱ nă̱ˑyo̱nt'gatˑhòħ ă̱ˑo̱ˑwa̱nˑdă̱nˑdoˑnyaħt, Ă̱'ă̱ˑnih, Neħ' nă̱ˑgă̱ă̱' ho̱'gweh, tohˑsaaħ' ne waˑah'no̱hˑso̱ˑniħ, tă̱ħˑă̱h' deˑoˑgweˑnyo̱o̱h' na'aˑdyă̱ˑnòħk'dă̱ħ.

Neħ gwaa', noˑnă̱h' ă̱hˑsek'hwaˑă̱ħ, neħ hoħˑsheˑno̱o̱k no'niˑdă̱ă̱s, hoˑdi'yaħˑdaˑjiˑyòħ, hoˑdih'soħkˑhaħ' kuh ne deˑaˑdiˑgah'gweeˑgo̱h. Da neħ' ă̱ˑsa'dăħˑswi'yòħˑheħt; neħ să̱ħˑă̱h naeh, ne tă̱ħ'ă̱h deˑo'diˑgweeˑnyo̱o̱h' ne do̱'saˑdii''waħˑsăăˑgòħ heh' syaħˑdaaˑdeħ; neħ să̱ħ'ă̱h naeh neħˑhuh haħˑdă̱ˑjiˑsa'diiˑwaħˑsăˑgwʋs' noˑnă̱h' dă̱ntˑhă̱'no̱ntˑgă̱'o̱hˑso̱o̱ħ neh' taˑdi'waˑyeeˑiħ.

Wiˑyòò neh, oˑjĭk'heħˑdaħ; neħ gwaa' giħˑshă̱h nă̱ˑyòh'do̱ˑni'aak noˑjĭk'heħˑdaħ ne deˑyò'yòħˑjĭs'dahˑgo̱h, gaˑă̱ˑo̱ˑweeh' no̱ħˑdă̱ntˑgaa'wihˑdah'go̱ˑo̱o̱k' nă̱sˑga'jĭkˑheħ'daˑgă̱h'dak'? Tă̱ħ'ă̱h deħˑgaatˑgaaħ' deħˑjo'yaħˑda'gehˑhaasˑhă̱ħ he'yo̱ˑă̱nˑjaˑdeħ' neħ' giħˑshă̱h hoħˑdah'soˑjoot; neħ gwaa' no̱ˑgweh' asˑdeh' heˑoˑno̱nˑdyeħs. Neħ' haaˑyaħ'daˑdeħ neh' haˑo̱h'dooˑdo̱ħ' he'o̱ˑweh' haˑo̱k'hasˑdo̱h', hotˑho̱nˑdeek ne' neħ.