Popular Bible Verses from Ijɔ̍ɔn 13

Deildu

Lihɔ onīpīpɛ̄ nīi n ge̍ē de ē de ala̍ ma̍, hɔ̄ ma̍ a̍nɛ: Ala̍ ā yɔ̍ɔhɔtū yī ɔ̍nyīnū! Lɔkɔ nīi n yɔ̍ɔhɔtū yī ala̍ ma̍, i̍ngi̍ngɔ̍ɔ nīi ala̍ ge̍ē yɔ̍ɔhɔtū yī ɔ̄chɛ ɔha̍ a̍nɛ. Ala̍ ge̍ lɛ ɔhɔtū yī ɔ̍nyīnū, āchɛ wa̍a̍ ge̍ē jo̍ōkū ka ala̍ ɔ̍lɔ - a̍chi̍kpo̍ yī amɔ̍lɔ nɛ.”

Ami - Ādādā yī ala̍ ba̍la Ɔngūlɛ̄lā yī ala̍ a̍nɛ, n chī na ala̍ ikpo̍ i̍gba̍a. Ala̍ titi, ala̍ ā na ɔ̍nyīnū ikpo̍ i̍ngi̍ngɔ̍ɔ bɛ̍ɛ̄nɛ̄. Igbla yī lɛlā nīi n de lā aa̍ de ala̍ a̍nɛ. Ala̍ ā ya̍ i̍ngɔ̍ɔ ke̍e̍ lɔkɔ nīi n ē ya̍ ma̍ bɛ̍ɛ̄nɛ̄.

Iji̍sɔ̄ɔsi da ɔ̍ ka ɔ̍lɔ i̍ je̍ ɔjā nīi anɔ̍lɔ yɛ ma̍ ē ya̍ ma̍ ni̍. Ɔ̍lɔ chī ge̍ē jo̍ōkū we̍.

Lēchi̍-lēchi̍, n ā koko̍o de ala̍. Ɔfiyɛ ɔha̍lɔha̍ ē ga abā yī nū ɔgɔ̄ga ni̍. Ɔyi̍ ɔlɛrɔ̄ ɔha̍lɔha̍ i̍ ē ga ɔ̄chɛ nīi de ɔ̍ tɛ̄rɔ̄ ma̍ ɔgɔ̄ga ni̍.

U̍ma̍ama, ala̍ jyɛ̍ɛ̄lā olēchi̍ lēchi̍ nūma̍ mɛ̍. Ala̍ ge̍ē lɛ ɔwɔ̄wīyā mwɛbɛ nīi o̍ ge̍ re̍ka ala̍ de lɛlā olēchi̍ lēchi̍ tū la lɛlā ɔyɔ̍ɔ̄ya̍.

Wu̍chē yī ɔla̍ā, Iji̍sɔ̄ɔsi nīichō hī okpōkōlō nīi e̍ gblāa re̍ ojōre̍ ma̍, de aru̍ nīi o̍ ru la ichō ma̍ wu̍, nāa a̍pu miya tū la ohi̍. O̍ kɔ̄ yenyi tū la u̍kpu̍ūhā ɔnabɔ̄ gāa ge̍ kū abɔ̍ɔ ē na a̍chi̍kpo̍ yī nū ikpo̍. O̍ yɛ ē bī a̍pu ɔla̍ā nīi o̍ de miya tū ma̍ ē ngū wā yenyi cha̍cha̍cha̍.