Popular Bible Verses from Ijɔ̍ɔn 12

Deildu

Ɔ̄chɛ nīi ge̍ chikpo̍ ge̍ē chrāa ami ɛrɔ̄, ɔlɔjā ge̍ ku u la u̍tu. O̍ ngma̍ nīi ɔ̍chɛ̍ yī u ē hɔ̄ la ɛbɛ nīi ami ɔlɔjā hɔ̄ ma̍. A̍dā yī u ge̍ē de otūlichō de ɔ̄chɛ nīi ē chrāa ami ɛrɔ̄ ma̍.

Ɔ̄chɛ nīi ɔhɔ̄leyī yī anu̍ ɔlɔjā ge̍ hi ɔ̍ ɔtū, o̍ ge̍ē ngmla̍a anu̍ pīyēbi̍. Ɔ̄chɛ nīi ɔhɔ̄leyī yī anu̍ ɔlɔjā ge̍ ta̍ ɔ̄ anyī la yɛchɛ nūma̍, ɔlɔjā ge̍ē lɛ ɔhɔ̄leyī ku yɛ̄grāa i̍mɔ̄mɛni̍.

Lēchi̍-lēchi̍, n koko̍o de ala̍! Ūkpō yī igu nīi re̍ka iwi̍iti ma̍ ge̍ lɛ ūkpo̍he, o̍ ge̍ē ba̍ la ūkpo̍he i̍ngɔ̍ɔ kpɛɛ, ɔ̍chi̍kpa̍kpa̍ e̍ de nyi la ajɛ nīi o̍ pīyaku̍ o̍bū. O̍ ge̍ pīyaku̍ mɛ̍, o̍ ē chōo̍chē wā īkpō yɛ̄mɛ̄mɛ̄ bɛ̍ɛ̄nɛ̄.

Ami re̍ka ɛbɛ ɔlɛgēdēgēdē nīi wā la yɛchɛ nūma̍ ma̍ a̍nɛ. N wā hɛ̄ɛbɛ nīi ɔ̄chɛmɔ̄chɛ nīi ge̍ chɛ̄ku u ma̍ i̍ ge̍ē tū la ɛbɛ odobū gɛ ni̍.

Ɔ̄chɛ nīi ge̍ po̍ ɛrɔ̄ yī u nīi i̍ chɛ̄ ya̍ i̍ngɔ̍ɔ ni̍, n i̍ ge̍ē hɛ̍ ɔlɔjā lɛpɔ̄ ni̍. N i̍ wā ge̍ē hɛ̍ yɛchɛ lɛpɔ̄ ni̍. N wā ge̍ē hɛ̍ yɛchɛ ɔhɔ̍ɔ̄hɛ̍ ē ta̍.

Bɛ̍ɛ̄nɛ̄, Imeri̍ bī yēkpē yī yanɔ̄ oni̍pī kwɛ̍kwɛ̍ ɔha̍ nīi e̍ ya̍ la ɔchi̍ nīi re̍ka ina̍adi ma̍ wā. Yanɔ̄ ɔla̍ā lwɔ̍la̍ kpɛ̍ɛji. O̍ de okru̍utu yī yanɔ̄ oni̍pī kwɛ̍kwɛ̍ ɔla̍ā chīyēkla̍ Iji̍sɔ̄ɔsi cha̍cha̍ la ikpo̍. O̍ chōo̍chē bī inyɛ̄lɛ̄hu̍ yī anu̍ ɔlɔjā ngū Iji̍sɔ̄ɔsi anu̍ cha̍cha̍. Li̍pī ɔlwɔnyɛ yī yanɔ̄ ɔla̍ā de u̍nu̍ ɔla̍ā wa̍a̍ nāa che.

E̍ hɛ̍ īpū āpārī bī la abɔ̄ yɛ grāa anu̍, chūukwa ka ɔ̍lɔ ge̍: “U̍chuwi̍i! Ɔwɔ ge̍ de ɔpiyɛ de ɔ̄chɛ nīi yɛ ma̍ yewā riyī yī Ādā ma̍ oo! Ɔwɔ ge̍ de ɔpiyɛ de Ɔchwɔ̄lɛ̍ yī I̍sɛ̄rɛli oo!”

Iji̍sɔ̄ɔsi koko̍o de wa̍ bɛ̍ɛ̄nɛ̄ hīka, “Ala̍ ma̍ ko̍ō! Yɛ̄grāa gbajɛ nīi e̍ ge̍ē de rīgā ɔnɔ̄kɔ̄kū de Ɔyi̍ yī Ɔngrɔ̄ɔ mɛ̍.