Popular Bible Verses from Lukas 13

Deildu

Yesus bilang pa orang-orang di situ, “Ngoni berusaha suda maso iko pintu yang sempit! Barang, banya orang berusaha mo maso iko pintu itu, tapi dorang tara bisa maso.

Di situ, ada parampuang satu yang saki so delapan blas taong karna setang kuasai pa dia sampe dia bongko, so tara bole badiri lurus. Waktu Yesus lia parampuang itu, Dia pangge kong bilang bagini, “Ibu, ibu so sembu dari ibu pe panyake.”

Abis bilang bagitu, Yesus taru Dia pe tangan pa parampuang itu, langsung dia so bole badiri lurus. Kong parampuang itu puji deng hormat pa Tuhan Allah.

Perhatikan bae-bae, di situ banya orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Karna waktu dorang datang, tuang ruma so kunci pintu. Jadi waktu itu ngoni akan babadiri di luar kong toki-toki pintu. Ngoni akan bilang, ‘Bapa, buka pintu ka!’ Dia akan jawab pa ngoni, ‘Kita tara kanal pa ngoni deng Kita tara tau ngoni dari mana.’

Tarada! Tapi Kita bilang lagi pa ngoni, kalu ngoni tara bertobat, ngoni samua me akan mati sama deng dorang.”

Tapi waktu itu suda Dia mo bilang pa ngoni, ‘Dengar bae-bae yang Kita bilang pa ngoni, Kita tara kanal pa ngoni deng Kita tara tau ngoni dari mana! Bapinda suda dari sini, ngoni yang jaga biking barang yang jahat!’

Yesus bilang lagi, “Tuhan Allah Berkuasa sebagai Raja mulai dari sadiki orang, kong lebe hari lebe tamba banya. Kita mo banding itu deng apa? Itu sama deng umpama ini: ada biji tanaman yang orang ambe kong tanam di kobong. Biar biji tanaman itu yang paling kacil, tapi kalu so batumbu, dia jadi pohong. Kong burung-burung di udara datang basarang pa dia pe cabang-cabang.”