Popular Bible Verses from Lukas 12

Deildu

Bagitu lagi deng ngoni, ngoni musti salalu siap, karna Anak Manusia yang dari sorga akan datang ulang di waktu yang ngoni tara sangka-sangka.”

Yang paling penting, ngoni cari suda pa Tuhan Allah supaya Dia yang Berkuasa sebagai Raja pa ngoni pe hidup. Deng bagitu, Tuhan Allah akan kase samua yang ngoni perlu.”

Kong Yesus bicara pa orang banya yang ada di situ, “Ati-ati deng jaga diri bae-bae, jang sampe ngoni tara puas deng apa yang ngoni punya. Karna manusia pe hidup itu bukang cuma dari harta saja biar dia kaya skali lagi.”

Kita bilang bagitu karna di mana ngoni pe harta ada, di situ lagi ngoni pe hati.”

Kalu ngoni hawater deng ngoni pe hidup hari-hari, apa ngoni bisa kase panjang sadiki ngoni pe umur? Tara bisa, to?

Turus, Yesus bilang pa Dia pe murit-murit bagini, “Karna itu, Kita bilang pa ngoni: tara usa ngoni hawater deng ngoni pe hidup, apa yang ngoni mo makang. Ngoni me tara usa hawater deng ngoni pe badan, apa yang ngoni mo pake.

Apalagi ngoni, ngoni tara usa tako, karna ngoni lebe berharga dari burung-burung pipit itu, sampe ngoni pe rambu di kapala me Tuhan tau pe banya.”

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Coba ngoni perhatikan burung-burung gagak. Burung-burung itu tara baambur bibit, tara bapete apa-apa, deng tara punya gudang atau lumbung untuk basimpang makanang, tapi Tuhan Allah kase makang pa dorang. Apalagi ngoni! Ngoni lebe berharga dari burung-burung itu!

Jadi, tara usa suda ngoni hawater deng pikir-pikir tentang apa yang ngoni mo makang atau apa yang ngoni mo minum.

Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Tapi apa yang skarang ada tasambunyi, nanti orang mo dapa tau, deng samua rahasia akan tabongkar.