Popular Bible Verses from LUKA 18

Deildu

'Do nɛ, nɛ Yezu tɔ̃ 'bɔ gba we gɛ hã Owi yambala mɛnɔ 'da a, we be hã wa na, wa wia tɛ sambala Gale fai, nɛ dɔ wa mbɔ́kɔ́ gɔ.

Ní nɛ nde Gale wè tɛ gala winɔ kɛ a saka wa, kɔ wa he dɛ 'da a tũ do gba wese ni gɔ nde? A wia tɛ zĩ tɛ̃ a zĩ, sɛ nɛ a gala wa de nde? Mi tɔ̃ hã nɛ na, a gala sɛ wa da dɔ̃ iko. Kɔ 'da fala tɛa 'da mi Be 'da Wele, nɛ mi kpa sɛ owinɔ kɛ wa do kɔ̃a we dɛ 'da Gale ni ngɔ nù gɛ nde?”

Nɛ Yezu gese na: “Mɔ kɛ Owele wa wè tɛ dɛ nɛ gɔ ni, Gale wia tɛ dɛ ma.”

Nɛ ma la ni gbaa, nɛ nde wi 'bili we kɔ̃̀ we dɛ mɔ kpo gɔ. Nɛ 'do nɛ, nɛ a tɔ̃ do kɔ sila a na: ‘Gɛnɛ kɔ mi dɛ́ kili Gale gɔ, nɛ mi ĩ́ ti wele gɔ, kɔ nɛ́ kɛ wuke gɛ yɛkɛ mi fai gɛ, mi kɔ̃a we gbɛ gbãlã we hã a, dɔ a gbá zu mi fai gɔ.’ ”

Mi tɔ̃ hã nɛ do gbãlã we na, ma wia na, wele kɔ̃ gɛnɛ dɛa to nwa 'da Gale, ɔ nɛ kɛ benɔ wa kɔ̃a do ma ni. Kɔ wele dɛ̀ na mɛ ni gɔ, nɛ nde a wé sɛ tɛ le kɔ le nwa 'da Gale gɔ.”

Nɛ Yezu sa mɔ hã obenɔ dɛ kɛ zã a, nɛ a tɔ̃ na: “Nɛ tɛ gà benɔ we tɛ 'da mi nga gɔ. Nɛ lá wa kɔ wa tɛ, we duzu kɛ le nwa 'da Gale ma we winɔ kɛ sila wa ɔ nɛ sila benɔ gɛ ni.

Nɛ Yezu tɔ̃ hã a na: “Mɔ zɔ́ mɔ! Mɔ kpasa, we kɛ mɔ do kɔ̃a we dɛ 'da mi.”

Nɛ Yezu aka a na: “Gulu kɛ mɔ sa li mi na dia wi ni we ge nde? Dia wi bina, dia wi tati a Gale zu a kpo.