Popular Bible Verses from LUKA 17

Deildu

Nɛ 'do nɛ, nɛ Yezu tɔ̃ hã a na: “Mɔ kúlú ngɔ, kɔ mɔ sí! Mɔ kpasa we kɛ mɔ do kɔ̃a we dɛ 'da mi.”

Kɔ fala kɛ li wese kpo, hã a dɛ 'dã mɔ dɛ 'da mɔ fala sambo, hã a gili tɛ̃ a do 'da nɛ ni vɛ̃ we gɔ mbɔkɔ wi kɔ̃ mɔ, nɛ mɔ mbɔ́kɔ́ a.”

Kɔ mbe kpo sanga wa ni nɛa we zɔ na, ɛ kpasa ni, nɛ a ma ngɔ dɔnggɔ Gale do nga gɛlɛ, nɛ a kpolo tɛ̃ a 'da Yezu i, nɛ a gu gba zugolo dɛ ti Yezu ni, nɛ a gu li a nù, nɛ a gese iɔ̃nae hã a. Wi ni zi a be Yuda gɔ, a a wi Samaria.

Ní a li nɛ sɔ̃́! “Fala kɛ mbe nya mɔ dɛ 'dã mɔ dɛ 'da mɔ nde, nɛ mɔ nɛ́, nɛ mɔ bé gulu 'dã mɛ kɛ a dɛa ni hã a dɛ li a. Kɔ fala kɛ a kɔ̃ na, ɛ la fala nɛ, nɛ mɔ mbɔ́kɔ́ a.

Nɛ Yezu aka na: “Winɔ kɛ zɛlɛmɛ ia tɛ wa ni, wa sɔ zu wa 'bu, kɔ ombe kusi wa a do nde?

Nɛ Nwa Yezu gese hã wa na: “Fala kɛ nɛ sɔ do kɔ̃a we dɛ 'da Gale ɔ nɛ be gbãlã mutardɛ ni, nɛ nɛ tɔ̃ sɔ hã te gɛ na, ma fó tɛ̃ ɛ de do'do, kɔ ma nɛ́, kɔ ma mí tɛ̃ ɛ 'dɔ gba lì i, nɛ ma dɛ sɔ tɛ̃ ɛ do olo nu nɛ ni.

Mba gɔ, wi kɛ a fa we kpasa kili tɛ̃ a, nɛ a fe sɛ. Nɛ wele kɛ a la kili tɛ̃ a na ma fe ni, nɛ a kpasa sɛ.

Nɛ Yezu tɔ̃ hã owi yambala mɛnɔ 'da a na: “Omɛnɔ kɛ ma tombo wele we dɛ 'dã mɔ ni, ma boe fai. Nɛ nde 'bako wena do wi kɛ a fa we fi ngba a li 'dã wala ni. Wi kɛ a fa we fi mbe sanga benɔ gɛ li 'dã wala, nɛ ma wia sɔ na, wa kpo gã ta gɛlɛ wi ni, nɛ wa da a 'dɔ gba lì.

Nɛ kpo mɛ ma dɛa zɛ́ tɛ̃ ɛ 'da fala 'da Nowe ni, ma dɛ sɛ 'bɔ tɛ̃ ɛ do 'da fala tɛa 'da mi Be 'da Wele. We kɛ do 'da fala 'da Nowe, winɔ wa zi tɛ nyɔngɔ mɔ, do nɔ dɔ̃, do ba ngba wa, do ba wuko do wili hã benɔ 'da wa, gbaa we hɔ tɛ ngba soe Nowe lia nɛ kɔ masua ni. Nɛ kolo tɛa, nɛ lì dunu falanɔ vɛ̃, nɛ ma gbɛa winɔ vɛ̃.