Popular Bible Verses from GÉNESIS 27

Deildu

Dios jahua pachamanta allpapi tamyachishpa pucuchichun. Achca trigotapish, achca vinotapish canman cuchun. Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

Shina nicpimi Esauca: —Shinaca allimi paitaca Jacobota shutichishca. Ña caihuanca ishcai cutinmi uman. Sarunca punta churi japinatami quichurca. Cunanca taitamanta ñuca japina bendiciontami japin. Ñucaman cuna bendiciontaca, ¿manachu huacaichircangui?— nirca.

Shina nicpimi, taita Isaacca: «Canca tamya llactamantapish, alli allpamantapish carupimi causangui. Espadahuan misarishpa, huauquita servishpami causangui. Sinchiyashpaca yugota cambac cungamanta anchuchic shinami, servinamanta llucshingui» nirca.

Shina nicpimi Esauca: —¡Ñuca taitalla! ¿Manachu ñucamanpish bendicionta charingui? Ñuca taitalla, ¡ñucamanpish bendicionta cuiyari!— nirca. Shina nishpami, caparishpa huacarca.