Popular Bible Verses from GÉNESIS 26

Deildu

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha. Abrahamca ñuca rimashcata uyashpami, ñuca nishcatapish, mandashcacunatapish, imata ruhuachun nishcacunatapish, yachachishcatapish pactachirca— nirca.

Isaacca chaimanta caruyashpami, cutinllatac shuc yacu junduta allarca. Chai yacu jundumantaca ña mana piñanacurcachu. Chaimantami chai yacu jundutaca Rehobot quishpirishca nishpa shutichirca. Shinallatac: «Mandac Dios tucuipi ayudacpimi, alli causanchic. Cunanca, cai allpallapitac achca huahuayuc tucushpa causashun» nirca.

Chaipimi Mandac Dios Isaacman ricurishpaca: —Ama Egiptomanca urai richu. Ñuca maipi causagri nishcapi causagri.

Chaipimi Isaacca altarta ruhuashpa, Mandac Diosta pagui nirca. Shinallatac chaillapitacmi carpa huasita ruhuarca. Chaipi causacucpimi, Isaacta serviccunaca shuc yacu junduta allarca.