Popular Bible Verses from SAN JUAN 6

Deildu

To bairo na ca-ĩiro: —Yʉna yʉ ãa ʉgarique catícõa aninucurijere ca-joʉ. Yʉre ca-apiʉjarã ñigo riaquetigarãma. Yʉre ca-api nʉcʉbʉgorã ñeme jipiquetigarãma. To bairo na ĩi, yʉre ca-api nʉcʉbʉgorãre ñe unie rʉjaquetigaro na ca-ani wariñuu anipere ĩi buio majioʉ, ca-ĩiwĩ Jesú. To bairo ĩi oco bairo na ca-ĩinemowĩ tunu

Catíriquere mani ca-cʉgoro mani rupaʉ catí. Catíriquere mani ca-cʉgoquẽto mani rupaʉ wapa maa. Mepʉ yʉ ca-buioeje ʉgarique, etirique maca yeri macaje ãa. Ca-catícõa aninucurijere ca-joorije ãa.

Mʉja ʉgarique jetore wapatagarã paaqueticõaña. Tie yoaro mee peticoa. Mʉjaare yʉ ca-joogarije macare macaña. Tie maca anicõa aninucugaro. To bairi yʉ Pacʉ Dio yʉre ca-joowĩ, catícõa aninucupere camajare na mʉ joogʉ ĩi, na ca-ĩiwĩ Jesú.

Yʉ Pacʉ oco bairo camaja na cá-áti majuupe macare boomi: Camaja nipetirã yʉ ca-aniere ca-majirã, caroaro yʉre ca-tʉgooñarã, yʉre ca-nʉcʉbʉgorã na ca-catícõa aninucupere boomi. To bairi ati ʉmʉrecóo ca-petiro nare yʉ tunu catíogʉ, ca-ĩiwĩ Jesú.

To bairo na ca-ĩi jeniñaro: —Dio mʉjaare cʉ̃ cá-áti rotirije oco bairo ãa: Yʉre, cʉ̃ ca-jooricʉre mʉja api nʉcʉbʉgo rotimi, na ca-ĩi yʉʉwĩ Jesú.

Yʉ Pacʉ, “Cʉ̃re api nʉcʉbʉgogarãma yʉ Macʉre,” cʉ̃ ca-ĩirã nipetirã yʉre api nʉcʉbʉgogarãma. Yʉre na ca-api nʉcʉbʉgoro na booqueticõa yʉ baiquetigʉ.

To bairo cʉ̃ ca-ĩiro oco bairo cʉ̃ ca-ĩi yʉʉwĩ Simón Pedro: —Ʉpaʉ, ¿noa macare jã ʉjabocʉtí? Mʉ jeto mʉre ca-api nʉcʉbʉgorãre catícõa aninucuriquere mʉ buio. Noo apeĩ jã ca-api nʉcʉbʉgopaʉ mácʉmi.

Yʉna yʉ ãa tie ʉgarique ʉmʉrecóopʉ ca-rui atácʉ. Tiere ca-ʉgarã catícõa aninucugarãma. Ʉgarique yʉ ca-joorije yʉ rupaʉ ãa. Ati yepa macana na ca-catícõa aninucuparore bairo ĩi atie ʉgariquere yʉ joogʉ, ca-ĩiwĩ Jesú. Caroorije mani cá-átie wapa cʉ̃ rupaʉpʉre manire cʉ̃ ca-bai yajibojapere ĩi, na ca-ĩi buiobami Jesú tiere.

Jicãʉ maca cʉ̃ majuuna cʉ̃ ca-booro yʉre apiʉja majiquẽemi. Yʉ Pacʉ yʉre na ca-nʉcʉbʉgopere cʉ̃ ca-joorã jeto yʉ apiʉja majima. Yʉre ca-apiʉjarãre ati ʉmʉrecóo ca-petiro na yʉ tunu catíogʉ.

Dio ʉgarique catícõa aninucurije ca-joorije uniere joʉ yʉre ca-joowĩ ʉmʉrecóopʉ ca-ãnacʉre ati yepa macana tʉpʉ, na ca-ĩiwĩ Jesú.

Yʉna yʉ ãa ʉmʉrecóo macaje ʉgarique majuure catícõa aninucuriquere ca-joʉ. To bairi ca-catícõa aninucurijere yʉ joo.

To na ca-ruiro Jesú pan rupaa ca-newĩ. Ne, Diore, “Ñuu majuucõa atiere jãare mʉ ca-joorije,” cʉ̃ ĩi nʉcʉbʉgo, yepapʉre ca-ruirãre tiere ca-bate ricawowĩ. To bairona cá-ámí wai quenare. Na ca-ʉgagaro cõo na ca-nuuwĩ. Na ca-ʉgagaro cõo na ca-ʉga yapiro bero oco bairo jã ca-ĩiwĩ Jesú cʉ̃ buerãre: —Na ca-ʉga rʉgarijere yajire ĩirã tiere jee neoña, jã ca-ĩiwĩ Jesú.

Yoaro jicã wamo cõo canacã kilómetro jã cá-aá nutuati paʉ Jesú jã tʉpʉ atígʉ oco buipʉ cʉ̃ cá-atí nutuato jã ca-tʉjʉ joowʉ. Cʉ̃ tʉjʉrã seeto jã ca-acʉawʉ. To bairo jã ca-acʉa tʉjʉro tʉjʉri: —Yʉna yʉ ãa. Uwiqueticõaña, jã ca-ĩiwĩ Jesú.