Popular Bible Verses from SAN JUAN 5

Deildu

Cariapena mʉjaare yʉ ĩi. Yʉ ca-buiorijere ca-apirã, Dio yʉre ca-jooricʉre ca-nʉcʉbʉgorã catícõa aninucugarãma. Popiyeye ecooquetigarãma. Ca-popiye tamuoboricarã anibana quena catícõa aninucurique cʉgo tʉgama, meere.

To bairi Jesú ti coro tʉpʉ neto aácʉ topʉ ca-cuñaʉre ca-tʉjʉwĩ. Yoaro cʉ̃ ca-riayecʉto tʉjʉri cʉ̃ ca-ĩi jeniñawĩ Jesú: —¿Mʉ riaye ca-netoro mʉ bootí? cʉ̃ ca-ĩiwĩ Jesú.

Catícõa aninucuriquere jã bʉgagarã ĩirã Dio ye queti ucarica pũurore nʉcʉbʉgorique mena mʉja buecõa aninucu. Ti pũuro ca-ĩrijere buerã yʉ ye quetirena mʉja buenucubapa. Catícõa aninucuriquere boobana quena yʉre mʉja api nʉcʉbʉgogaquẽe.

To bairo cʉ̃ ca-ĩiro: —Wamʉnʉcaña. Mʉ ca-cuñari ajerore ne aácʉja, cʉ̃ ca-ĩiwĩ Jesú. To bairo cʉ̃ ca-ĩirona ca-ñuucoami. Meere, ca-ñuʉ aniri wamʉnʉca, cʉ̃ ca-cuñari ajerore nee, cá-aá jʉgowĩ. Cʉ̃ ca-netori rʉmʉ sábado ca-ãmʉ, judío maja na ca-yerijãnucuri rʉmʉ.

To bairo na ca-ame ĩiro oco bairo na ca-ĩiwĩ Jesú: —Cariape majuu mʉjaare yʉ buiogʉ. Yʉ Dio Macʉ anibacʉ quena yʉ majuuna áti iñooriquere yʉ áti majiquẽe. Yʉ Pacʉ cʉ̃ cá-átigarijere majiri cʉ̃ ca-rotirije mena jeto tiere yʉ áti maji. Nipetirije yʉ Pacʉ yʉ cá-átipe cʉ̃ ca-booro majiri tiere yʉ átinucu.