&copy; 1999 The Bible Society of Tanzania; ℗ 2010 Hosanna

Kihehe - 1999 Edition (NT)

<div class="version vid1815 iso6393heh" data-vid="1815" data-iso6393="heh">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Ikitawulwa icha Umung'inetu umufwile</div><div class="r">(Maliko 12:41-44)</div><div class="p"> 1Yesu alafile neke avawone avanono visopa ifitawulwa mukinyawugali cha mu Tembeli, 2swe akumuwona umung'inetu umufwile umumikaa isopa amagobole gavili. 3Neke atigile, &#8220;Nachene nene nguvalongela umufwile uyu umumikaa asopite ukulutila mbevali. 4Pakuva iwo mbevali vasopite ifisige mu wunono wawo, neke uyu mu wumikaa wakwe asopite mbefili fyeakeinafyo.&#8221;</div><div class="s">Yesu ipava ulwa ukudenywa Itembeli</div><div class="r">(Matayo 24:1-2; Maliko 13:1-2)</div><div class="p"> 5Na avangi pevalonganige isa Itembeli, we yiwali uwunofu na uwunofu wa amaganga na ifitawulwa fya avanu atige, 6&#8220;Ifi mbefili fye mukufiwona safyusa ifilo pesisalisigala liganga mwiganga lyesisalidenywa.&#8221;</div><div class="s">Ifilagilo ifya uluteseko</div><div class="r">(Matayo 24:3-14; Maliko 13:3-13)</div><div class="p"> 7Neke vamuwuse vitigila, &#8220;Mwigisi ing'ani iso siva Panili, na kiki ikilagila ukuta ing'ani iso sili pipi ukuwoneka?&#8221;</div><div class="p"> 8Neke atigile, &#8220;Mwikomalilage, mulonga musangwe. Pakuva wolofu savasa mwitawa lyangu vitigila, &#8216;Nene ye nene&#8217;, na yilino ikivalilo ye kifikite, samulavafwata iwo! 9Nyenye pemwipulika isa amagalu na ulwitakilo mulogopa pakuva iso sivaje ukuwoneka tandi, neke uwusililo siwangufya wuse.&#8221; 10Neke pavalongele: &#8220;Ing'i ukwihoma na ing'i yingi, uwutwa wukwihoma na uwutwa wungi. 11Sakuva na ifitulo ifikomi mung'i na kikinge na lulufo, pono pono na ing'ani isa logofyo na uwuhulo uluhuma kwilanga. 12Neke pesiva sikaali siwoneke iso mbesili, vavibata, vavatesa nu kuvasindika mumasinagogi neke vavasope mundinde; samusindikwa pa vatema na avanzagila vakuvavala lilitawa lyangu. 13Ulo saluva lwe lusika lwenyu ukolelela. 14Apo musikimalage munumbula senyu: na mulahwa mwihosa chemupitula, 15pakuva ndivapela icha ukulonga na uluhala, na avatavangu venyu mbevali sivahwana vavaleme nambi kwibesa. 16Nayi nyenye sa mupitukwa na avavaha venyu, avanyalukolo venyu, avaseela venyu, na avanyawiyendi venyu, na avamwi mwanyenye sa vawulagwa. 17Nyenye sa muvipilwa na mbevali ikivalwa lilitawa lyangu. 18Nambi, lufwili lumwi lwa mumitwe jenyu sisaluyaga. 19Na mulwikangaliso lwenyu, samusipoka inumbula senyu.</div><div class="s">Yesu ipava ukudenywa iboma ya ku Yelusalemu</div><div class="r">(Matayo 24:29-31; Maliko 13:24-27)</div><div class="p"> 20&#8220;Neke pesamuyiwene iboma ya mu Yelusalemu yipilimwe na avanyigalu, pepene pemulukagulage ukuta lino uwanangifu wuli pipi. 21Pepene lino avali ku Yudaya vakimbililage kufidunda, na avali pagati ya iboma vakimbililage kwivala na avali ku migunda valapiluka. 22Pakuva ifilo ifyo fye fya ukuhigwa sambi sikwile mbesili isandikwe. 23Vinalyo vala avanyafilo na vevakoosa mufilo ifyo! Pakuva sakulava na kuguda mung'i na ililakali ku vanu va ing'i iyi; 24Savadumulwa na ilimage ilyugi, nawo savagalulwa na ukusindikwa mung'i mbesili nayi Yelusalemu sayilivatwa na avamyanza avanu va ing'i isingi mbaka imisika ja avamyanza iwo va ing'i isingi pegikwilye.</div><div class="s">Ukusa kwa Umwana va Umunu</div><div class="r">(Matayo 24:29-31; Maliko 13:24-27)</div><div class="p"> 25&#8220;Kangi sakulava na ifilagilo mwisuva na mu mwesi na mu ng'eng'esi. Avanu va mung'i mbesili savalava mulugudo wimila uwuhuguvafu, ibahali peyisukanzwa na amavingo ni mibumo. 26Avanu savafwa libupwi na umuhwehwe, pevisindila isikusa mung'i pakuva uludali lwa kwilanga saluhogoleka. 27Neke ipo pesamumuwona Umwana va Umunu akusa mumafufu pamwi na uludali na uwunyandolo uwulutye. 28Lino wone muwone sivanzile ukuwoneka ing'ani iso, mumamagalage na ukukang'ula imitwe jenyu pakuva uwupoki wenyu wuhegelye.&#8221;</div><div class="s">Mulavage umusombe</div><div class="r">(Matayo 24:32-35; Maliko 13:28-31)</div><div class="p"> 29Ndawe Yesu avalongelige ikiganiso: &#8220;Mulavage umusombe na imibiki igingi mbegili. 30Pembe gikavangage ukutopola, nyenye mwakulukagula ulwa imisika ja pamasika yegihegelye. 31Lwindahihyo, pemuwene iso sivanzile ukuwoneka, mukalukagulage ukutigila, uwutwa wa Nguluvi wuheglye. 32Nachene nene nguvalongela, imbegalo iyi sisayilutila mbaka iso mbesili pesikwilye. 33Kuchanya na ing'i safilutila, neke ing'ani sangu sisasilutila nda.</div><div class="s">Mwikalage Miho</div><div class="p"> 34&#8220;Apo mwikomalilage, inumbula senyu silingila muwuhatufu, mu wugaasi na ukuguda muminanile igi sakilonga kivafikanise ikimunyi kila nda libada. 35Pakuva ulu wesalulava ku vanu mbevali vevakwikala konivala kono. 36Apo nyenye muvelage miho mbepali we mukwifunya sambi mupelwe uludali lwa ukulutila wunofu mwa mbesili isi pesiwoneka, na ukwima pa Umwana va Umunu.&#8221;</div><div class="p"> 37Ino Yesu igisige mbepali pamunyi mu tembeli, neke pakilo abitige kukuvasa kukidunda cha Miseituni. 38Avanu mbevali vilaavige pamilawu ukubita ku tembeli; kukumupulikisa.</div>
 </div>
 </div>
</div>

Kihehe New Testament © Bible Society of Tanzania, 2004.

Yesu alafile neke avawone avanono visopa ifitawulwa mukinyawugali cha mu Tembeli, swe akumuwona umung'inetu umufwile umumikaa isopa amagobole gavili. Neke atigile, “Nachene nene nguvalongela umufwile uyu umumikaa asopite ukulutila mbevali. Pakuva iwo mbevali vasopite ifisige mu wunono wawo, neke uyu mu wumikaa wakwe asopite mbefili fyeakeinafyo.”


Na avangi pevalonganige isa Itembeli, we yiwali uwunofu na uwunofu wa amaganga na ifitawulwa fya avanu atige, “Ifi mbefili fye mukufiwona safyusa ifilo pesisalisigala liganga mwiganga lyesisalidenywa.”


Neke vamuwuse vitigila, “Mwigisi ing'ani iso siva Panili, na kiki ikilagila ukuta ing'ani iso sili pipi ukuwoneka?”
Neke atigile, “Mwikomalilage, mulonga musangwe. Pakuva wolofu savasa mwitawa lyangu vitigila, ‘Nene ye nene’, na yilino ikivalilo ye kifikite, samulavafwata iwo! Nyenye pemwipulika isa amagalu na ulwitakilo mulogopa pakuva iso sivaje ukuwoneka tandi, neke uwusililo siwangufya wuse.” Neke pavalongele: “Ing'i ukwihoma na ing'i yingi, uwutwa wukwihoma na uwutwa wungi. Sakuva na ifitulo ifikomi mung'i na kikinge na lulufo, pono pono na ing'ani isa logofyo na uwuhulo uluhuma kwilanga. Neke pesiva sikaali siwoneke iso mbesili, vavibata, vavatesa nu kuvasindika mumasinagogi neke vavasope mundinde; samusindikwa pa vatema na avanzagila vakuvavala lilitawa lyangu. Ulo saluva lwe lusika lwenyu ukolelela. Apo musikimalage munumbula senyu: na mulahwa mwihosa chemupitula, pakuva ndivapela icha ukulonga na uluhala, na avatavangu venyu mbevali sivahwana vavaleme nambi kwibesa. Nayi nyenye sa mupitukwa na avavaha venyu, avanyalukolo venyu, avaseela venyu, na avanyawiyendi venyu, na avamwi mwanyenye sa vawulagwa. Nyenye sa muvipilwa na mbevali ikivalwa lilitawa lyangu. Nambi, lufwili lumwi lwa mumitwe jenyu sisaluyaga. Na mulwikangaliso lwenyu, samusipoka inumbula senyu.


“Neke pesamuyiwene iboma ya mu Yelusalemu yipilimwe na avanyigalu, pepene pemulukagulage ukuta lino uwanangifu wuli pipi. Pepene lino avali ku Yudaya vakimbililage kufidunda, na avali pagati ya iboma vakimbililage kwivala na avali ku migunda valapiluka. Pakuva ifilo ifyo fye fya ukuhigwa sambi sikwile mbesili isandikwe. Vinalyo vala avanyafilo na vevakoosa mufilo ifyo! Pakuva sakulava na kuguda mung'i na ililakali ku vanu va ing'i iyi; Savadumulwa na ilimage ilyugi, nawo savagalulwa na ukusindikwa mung'i mbesili nayi Yelusalemu sayilivatwa na avamyanza avanu va ing'i isingi mbaka imisika ja avamyanza iwo va ing'i isingi pegikwilye.


“Kangi sakulava na ifilagilo mwisuva na mu mwesi na mu ng'eng'esi. Avanu va mung'i mbesili savalava mulugudo wimila uwuhuguvafu, ibahali peyisukanzwa na amavingo ni mibumo. Avanu savafwa libupwi na umuhwehwe, pevisindila isikusa mung'i pakuva uludali lwa kwilanga saluhogoleka. Neke ipo pesamumuwona Umwana va Umunu akusa mumafufu pamwi na uludali na uwunyandolo uwulutye. Lino wone muwone sivanzile ukuwoneka ing'ani iso, mumamagalage na ukukang'ula imitwe jenyu pakuva uwupoki wenyu wuhegelye.”


Ndawe Yesu avalongelige ikiganiso: “Mulavage umusombe na imibiki igingi mbegili. Pembe gikavangage ukutopola, nyenye mwakulukagula ulwa imisika ja pamasika yegihegelye. Lwindahihyo, pemuwene iso sivanzile ukuwoneka, mukalukagulage ukutigila, uwutwa wa Nguluvi wuheglye. Nachene nene nguvalongela, imbegalo iyi sisayilutila mbaka iso mbesili pesikwilye. Kuchanya na ing'i safilutila, neke ing'ani sangu sisasilutila nda.

“Apo mwikomalilage, inumbula senyu silingila muwuhatufu, mu wugaasi na ukuguda muminanile igi sakilonga kivafikanise ikimunyi kila nda libada. Pakuva ulu wesalulava ku vanu mbevali vevakwikala konivala kono. Apo nyenye muvelage miho mbepali we mukwifunya sambi mupelwe uludali lwa ukulutila wunofu mwa mbesili isi pesiwoneka, na ukwima pa Umwana va Umunu.”
Ino Yesu igisige mbepali pamunyi mu tembeli, neke pakilo abitige kukuvasa kukidunda cha Miseituni. Avanu mbevali vilaavige pamilawu ukubita ku tembeli; kukumupulikisa.

Listen to Luka 21