Luka 21
21
Cipa camukamufu
(Marko 12:41-44)
1 #
Mk 12:41-44
Nkabela wakatambya meso aakwe, wakabona bavubi abali kubika zipo zyabo mucitambwido camucikombelo. 2Mpoonya wakabona umwi mukaintu mukamufu mucete, uwali kubika omo tuli tuniini tobile. 3#2 Kor 8:12Nkabela wakati, Ncobeni ndamwaambila kuti oyu mukamufu mucete wabika kwiinda boonse, 4nkaambo aba boonse bakabika muzipo zya-Leza akuvula kwalubono lwabo, pele walo abucete bwakwe wakabika coonse ncajisi, ncapona aco.
Jesu mbwaakaamba mapenzi aaciza
(Matayo 24:1-35; Marko 13:1-13)
5 #
Mt 24:1-21; Mk 13:1-19 Eno bamwi nobakali kwaamba ntempele kuti yasamikwa mabwe mabotu ezituuzyo, walo wakaamba kuti, 6#Lk 19:44Azeezi nzomweebela, kuyoosika ciindi ncokutakooyoosiigwa awa ibbwe atala abbwe ilitakooyoowisigwa ansi. 7Ndilyonya bakamubuzya bati, Mufundisi, ino makani aya ayooba lili? Kuyooba citondezyonzi naanooli afwaafwi aya? 8#Dan 7:22Wakati, Amucenjele kuti muntu atamulengawidi, nkaambo banjibanji bayoosika muzina lyangu, bayooamba kuti, Ndime Kristo, na kuti, Ciindi cili afwaafwi, mutabacilili. 9#Dan 2:28Alimwi kuti mwamvwa nkondo amazwanga, mutayoowi, nkaambo ezi zintu zileelede kusika lutaanzi, kwalo takunaba mamanino.
10 #
Is 19:2; 2 Mak 15:6 Elyo wakabaambila kuti, Cisi ciyoobukilana acisinyina, bwami buyoobukilana abwaminyina, 11Kuyooba mizuzumo mipati, enzala ezilwazi mumasena aandeene, alimwi kuyooba iziyoosya, ezitondezyo zipati izizwa kujulu, 12#Lk 12:11Pele aya oonse kataanasika, bayoomujata amaanza aabo, bamupenzye, bamwaabe kuzikombelo akumatolongo, bamusisya kubami akubeendelezi nkaambo kazina lyangu. 13Kuyooba bukamboni kulindinywe. 14#Lk 12:11-12#Mt 10:19Nkaambo kaako amukanze mumyoyo yanu kuteezeezya makani ngo-muyooamba, 15#Inc 6:10nkaambo ndime enti kamupe mulomo amaanu, ngobatakooyookonzya kulwanya na kukazya basinkondonyoko boonse. 16Pele abalo bazyali, abanabakwanu, abasazinyoko, abeenzinyoko bayoomwaaba, ii, nobamwi bayoomujaya. 17#Mt 10:21,22Muyoosulwa bantu boonse nkaambo kazina lyangu. 18#Lk 12:7; 1 Sam 14:45Kwalo takukooyoofwidilila kasusu nekaba komwe kumitwe yanu. 19#2 Mak 15:7; Heb 10:36Kulunamba lwanu munoojisi myuuya yanu.
20Pele wabona kuti Jerusalemu wazinganwa mukati kempi, amukazibe kuti kusaalwa kwawo kuli afwaafwi. 21Ndilyonya abo abali mu-Judaya abacijile mumalundu, abali mukati kawo abazwe, abali kumyuunda batanjili mumunzi. 22#Hos 9:7; Dt 32:35; Jer 5:29Nkaambo aya ngamazuba aakubweedezya cibi kuti kuzyulile koonse ukwakalembwa. 23#1 Kor 7:26Pele maawe kulibaabo abamisi abaabo abanyonsya kumazuba ayo. Nkaambo kuyooba mapenzi mapati ansi, abukali kubantu abo. 24#Dt 28:64; Zek 12:3; Is 63:18; Int 79:1; Dan 8:10; Rom 11:25; Ciy 11:2Bayoojayigwa amaceba, bayootolwa mbaange kuzisi zyoonse, Jerusalemu uyoolyataulwa bamasi mane cikazyulile ciindi cabamasi.
25 #
Mt 24:29,30; Mk 13:24-26 #
Is 13:10; Ezk 32:7; Joel 2:31; Ciy 6:12-13; Int 65:7 Kuyooba zitondezyo kuzuba akumweezi akunyenyeezi, ansi ano ayooba mapenzi kuzisi, akukataazigwa nkaambo kamivuumo yalwizi amayuwe, 26#Is 34:4abantu bayoomana nguzu nkaambo kakuyoowa, akulangila zintu iziciza ansi, nkaambo inguzu zyakujulu ziyoozungaanizigwa. 27#Dan 7:13; Ciy 1:7; Mt 26:64Nkabela elyo bayoobona Mwana a-Muntu ulaseluka mukumbi, enguzu abulemu bupati. 28#Flp 4:4,5Pele zyatalika kucitika ezi zintu, amulange mujulu, mulungumike mitwe yanu, nkaambo kunununwa kwanu kuli afwaafwi.
29 #
Mt 24:32-35; Mk 13:28-31 Elyo wakabaambila cikozyano cakuti, Amulange isamu lyamukuyu amasamu oonse. 30Atalika buyo kusyuuka, mwabona obo, mulizi nobeni kuti mainza ali afwaafwi. 31Mbubonya obo mwabona ezi zintu kuti zilacitika, amuzibe kuti Bwami bwa-Leza buli afwaafwi. 32Ncobeni ndamwaambila kuti, Cizukulu eci tacikooyooinda kazitanacitika zintu zyoonse. 33#Lk 16:17Kuyoomaninina julu enyika, kwalo majwi aangu taakooyoomana.
Mbobeelede kulinda basikwiiya
(Matayo 24:36-44; Marko 13:33-37)
34 #
Lk 17:27; Mk 4:19; Mt 24:49 Pele amukalilangisye, kuti ambweni myoyo yanu ilalengaala nkaambo kabulyatu, abukolwi, amakataazyo aabuumi buno, abuzuba obuya nobuyoomutilimuna mbuli kooze. 35#Is 24:17; 1 Tes 5:3Nkaambo buyoobasikila boonse abakala ansi. 36#Mk 13:33; Ciy 6:17Pele amulinde lyoonse, mukombe, kuti mukakonzye kuyokoka kuzintu zyoonse ezi iziyoocitika, akwiima kumbele lya-Mwana a-Muntu.
37 #
Lk 19:47; Joh 8:1 Eno isikati wakali kwiisya muntempele, amasiku wakazwa kuyookala kucilundu icitegwa Elaioni. 38Abantu boonse bakafuma kuza kulinguwe muntempele kuzoomuswiilila.
Nke Ahọpụtara Ugbu A:
Luka 21: Ibbaib63
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Tonga (Zambia) © United Bible Societies, 1963.