Luka 19
19
Zakayu wamu-Jeriko
1Elyo wakanjila mu-Jeriko, waindilila. 2Kwakaliko mwaalumi uwakali kutegwa Zakayu, wakali mupati wabasimutelo, wali muvubi. 3Wali kuyanda kubona Jesu mbwabede, pele wakakilwa nkaambo kamakamu makamu aabantu nkaambo wali mufwaafwi. 4Nkabela wakatijaanina kumbele, watanta mumukuyu kuti amubone, nkaambo nkwaakeelede kwiinda. 5Jesu naakasika mpawo, wakaululala mujulu, wati kulinguwe, Zakayu, kofwamba useluke, nkaambo sunu ndyeelede kuyookala kuŋanda yako. 6Ndilyonya wakaseluka cakufwambaana, wamutambula akubotelwa. 7#Lk 15:2Elyo nobakabona obo, boonse bakatongauka bati, Wainka kuyookala kumwaalumi uucitazibi, 8#Kul 22:1; My 5:6,7Ndilyonya wakaima Zakayu, waambila Mwami kuti, Langa, O mwami, ndaandula lubono lwangu muzipanzya zyobile, cimwi ndapa bacete, alimwi kuti ndakanyanga muntu cintu akumucenga, ndilamubweedezezya kone. 9#Lk 13:16; Inc 3:25; 16:31Jesu wakamwaambila kuti, Sunu lufutuko lwasika kuŋanda eyi, awalo mbwali mwana a-Abrahamu. 10#Mt 18:11; Ezk 34:16; Joh 3:17; Lk 5:32; 1 Tim 1:15Nkaambo Mwana a-Muntu wakaboola kulangaula akufutula abasweekede.
Cikozyano camali aali kumi
(Matayo 25:14-30)
11 #
Mt 25:14-30
#
Lk 24:21; Inc 1:6 Nobakamvwa makani ayo, wakayungizya kubaambila cikozyano, nkaambo wakali afwaafwi ku-Jerusalemu, akaambo bakali kuyeeya kuti Bwami bwa-Leza bwaandosika ndilyonya. 12#Mk 13:34Aboobo wakaamba kuti, Umwi muntu, mwana amwami, wakainka kucisi cimwi icakali kule kuti akalitambwide bwami, akaboole. 13Wakaita bazike bakwe abali kumi, wabapa mpondo izili kumi, wabaambila kuti, Amukapinduke mane ndikaboole. 14#Joh 1:11Pele abamucisi cakwe tabakali kumuyanda, bakatuma mulomo munsi lyakwe wakuti, Tatumuyandi oyu muntu kuti abe mwami wesu. 15Elyo naakaboola, ulipedwe bwami, wakalailila kuti baitigwe bazike abo mbaakapa mali, akazibe ncobakajana kukupinduka kwabo. 16Wakasika mutaanzi wateeti, O mwami, impondo yako yapinduka mpondo zimwi izili kumi. 17#Lk 16:10Wakati kulinguwe, Ncibotu, omuzike mubotu, nkaambo ulisyomekede kuzintu zice uyoobikwa bwami kuminzi iili kumi. 18Nkabela wakasika wabili wateeti, O mwami, impondo yako yajana zimwi mpondo zyosanwe. 19Wakati kulinguwe, Ayebo uyooba mwami kuminzi yosanwe. 20Aumwi wakasika wati, O mwami, njeeyi mpondo yako, ndundakayobola ilivungidwe mucisila. 21Ndakakuyoowa nkaambo uli mukali, ulabweza ncowatakabika, ulatebula ncowatakasyanga. 22Wakati kulinguwe, Ndakubeteka kumulomo wako omwini, omuzike mubi. Ulizi kuti ndi mukali, ndilabweza ncendatakabika, ndilatebula ncendatakasyanga. 23Ino wakaba anzi kutabika mali aangu muciyobwedo kuti ndaboola nendazooajana empindu yao. 24Elyo wakabaambila abakali kwiimvwi ambali wati, Amumunyanga mpondo, mwiipe uuli empondo izili kumi. 25Balo bakamuvuwa kuti, O mwami, ujisi kale mpondo izili kumi. 26#Mt 13:12; Mk 4:25; Lk 8:18Ndamwaambila kuti umwi umwi uujisi uyoopegwa, kwalo uutajisi uyoonyangwa ancajisi. 27Abaabo basinkondoma abatali kuyanda kuti ndibe mwami wabo, amubalete kuno, mubajaye kumbele lyangu.
28Naakamana kwaamba obo wakainka kumbele, uya ku-Jerusalemu.
Jesu mbwaakanjila mu-Jerusalemu
(Matayo 21:1-11; Marko 11:1-10; Johane 12:12-15)
29 #
Mt 21:1-9; Mk 11:1-10; Joh 12:12-16 Elyo naakasika kufwaafwi ku-Betefage aku-Betaniya, kucilundu icitegwa Elaioni, wakatuma basikwiiya bakwe bobile, 30wakati, Kamuya kumunzi uuli kumbele, mwanjila omo mulajana mbongolo iisungidwe, iitanatantwa muntu, amwiisungulule, mwiilete kuno, 31Na muntu wamubuzya kuti, Mwiisungulwidanzi? mumwaambile kuti, Mwami uliiyanda, 32Bakainka abo abakatumwa, bakajana mbubonya mbwaakabaambila. 33Nobakacili kwangulula mbongolo bamukamwini bakababuzya kuti, Ino mwiisungulwidanzi mbongolo? 34Bakavuwa kuti, Mwami uliiyanda. 35Elyo bakiileta kuli-Jesu, bayala ngubo zyabo atala ambongolo, bamukazika mpawo Jesu, 36#2 Bam 9:13Naakacili kuya bweenda, bakayala zyakusama zyabo munzila. 37Eno naakasika afwaafwi ku-Jerusalemu kucilundu ca-Elaioni, makamu oonse aabasikwiiya akatalika kusekelela akulumbaizya Leza ejwi ipati, nkaambo kamilimo yoonse mipati njobakabona, 38#Int 118:26; Lk 2:14Bakaamba kuti,
Uli acoolwe uuboola muzina lya-Jehova,
Alube luumuno kujulu abulemu kujulu lyamajulu,
39Elyo bamwi ba-Farisi abamumakamu bakamwaambila kuti, Mufundisi, bakasye basikwiiya bako. 40Jesu wakavuwa wati, Ncobeni ndamwaambila kuti na balaumuna aba, mabwe aloompolola.
41 #
2 Bam 8:11; Joh 11:35 Naakasika afwaafwi, wakabona munzi, wuulilila, 42#Dt 32:29; Mt 13:14; Joh 12:38wati, Nowali kuzi yebo mulibobuno buzuba zintu izyeelede kuleta luumuno kulinduwe, pele eno zilisisidwe kumeso aako. 43Nkaambo ciindi ciyookusikila, awo basinkondonyoko ncobayookuyakila bwaanda, bakuzingane, bakusinkile kuma bazu oonse, 44#Lk 21:6; Int 137:9bakumwaile ansi antoomwe abana bako abali mulinduwe, tabakooyoosia kulinduwe ibbwe neliba lyomwe ilili atala alimwi, nkaambo tokali kucizi ciindi ncookaswayidwe Leza.
Jesu mbwaakatanda abauzya muntempele
(Matayo 21:12-17; Marko 11:15-18; Johane 2:13-17)
45 #
Mt 21:12-16; Mk 11:15-18; Joh 2:13-16 Elyo wakanjila muntempele, watalika kutanda abo abali kuuzya, 46#Is 56:7; Jer 7:11wabaambila kuti, Kwakalembwa kuti, Iŋanda yangu inooli iŋanda yakukombela, pele nywebo mwiicita ikoba lyababbi.
47 #
Lk 21:37; 22:53; Joh 18:20 Wakali kwiisya mazuba oonse muntempele. Kwalo bapaizi basimutwe abalembi abapati bamucisi bali kuyanda kumujaya, 48pele bakabula mbobamucita, nkaambo bantu boonse bakali kumukakatila kumuswiilila.
Nke Ahọpụtara Ugbu A:
Luka 19: Ibbaib63
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Tonga (Zambia) © United Bible Societies, 1963.