Luka 4:9-12

Umimi wa ba ma na kuma nu Urushalima, na gri ma ku sa ni ituki Uki Unkpi ku Ibarr Abachi ku, na ddu ma di, “Ùwà ti du ùwà su Uvuvurr a Abachi ùwà tu ji zhi ni inggya di ingga kye. Ungbamvu ku Abachi ku mi da di: “ ‘Abachi ta tu abitu ama ba du ba ni ko ùwà kpa. Abitu ba ta gɨ ùwà na ango ambarr ka, na si ta du ùwà ngri uza ni angbinta hen.’ ” Yesu à ka sa ku di, “Ungbamvu ku Abachi ku u da di, ‘Si tsarr Atiko wa nggo si Abachi muwa kye hen.’ ”