Luka 2
2
Biyayena İsay
1İ rocan de, İmparatorê Roma, Sezar Agustosi, ferman vet kı mıleto kı herdê hukumdariya Roma dero#2:1 İ waxtan de, İsrail bınê hukmê Roma de bi. pêro bımoriyo. 2No mordeyiş, mordeyişo sıfteyın bi, na waxt de Kirinius waliyê Suriye bi. 3Her kes şi suka pi u khalıkê xo kı xo qeyd kero.
4Usıv a waxt Celile de suka Nasıra de mandenê. Usıv ezbeta Qıral Dawudi ra amenê; Dawud ki suka Beytlehemı de amay bi dina. Ay ra Usıv şi Welatê Yahudiyan suka Beytlehemı#2:4 Beytlehem: Jü pêxemberi verdı ra vati bi, Mesih suka Beytlehem ra êno. Kıtabê Pêxember Mikay 5:2 de sêr kerê. . 5Usıvi bı waştiya xo Meyrem'a pia şi uca kı xo qeyd kerê. A waxt Meyremı dıcani biye. 6Key kı ni suka Beytlehemı de bi, waxtê rakutena Meyremı ama. 7Meyremı domanê xowo sıfteyın, jü lacek, ard dina, o pist paçıkan ra. Xan de ca çini bi, ay ra Meyremı layıkê xo wertê ara alefi de kerd hewn.
Şüani u meleki
8Şüanan peşew, nejdiyê suka Beytlehemı de mergan de mandenê, uca de verê malê xo de pitenê. 9Jü meleka Heqi inan rê aşiyê, roştia Heqi dormê şüanan bereqnê. Şüani tersan ra vışiyay pêro. 10Melekı, şüanan rê vat: “Metersê! Mın sıma rê mijdani ardı, na mijdani sarê sıma pêroyini zaf sa kena. 11Eyro owo kı sıma bıxelesno ra, suka Dawudi#2:11Suka Dawudi, yanê Beytlehem. de ama dina. O Mesiho#2:11 Mesih: Keso kı “Mesih biyo”, yanê keso kı ron kerdê pıra, owo. Nay muskıtenê kı Heqi no mordem saba jü guri çinıto we. Seserran raver pêxemberan vati bi kı Xelesnoğ Mesih êno., o Wayirê sımawo. 12Sıma i domani wertê paçıkan de, wertê ara alefi de vênenê; va no ki sıma rê bıbo alametı.”
13Xafılde lê na melekı de, tonê meleki aşiyay. Ni melekan Heqi rê şukır kerd, inan nia vat:
14“Cor de, Heqi rê şukır bo,
Herdê dina sero, mordemê kı Heq cı ra rajiyo,
Sılametı inan sero bo!”
15Meleki lê şüanan ra anciyay şi asmên, bado ki şüanan jübini rê vat: “Bêrê ma şimım Beytlehem, xebera kı Heqi resna ma, ay bıvênım.” 16Şüani vasti şi uca. İnan Usıv, Meyremı, jü ki doman di. Doman wertê ara alefi de rakutayi bi. 17Şüanan kı ni di, qeseyê kı melekı saba domani vati bi, i qesi inan rê qeşi kerdi. 18İyê kı şüanan ra na xeberı eşiyay pê, pêro sas bi mandi. 19Meyremı ni gıroti zerria xo de dardi we, serê ninan de xeylê fıkıriyê. 20Şüanan owo kı di bi, eşiyay bi pê saba inan pêronan Heqi rê şukır kerd u peyser şi. Qeseyê kı melekı vati bi, pêro rast veciyay bi.
İsay Mabedı de teqdimê Heqi kenê
21Doman kı bi heşt roci, inan o sunet kerd u namê niy İsa na pıra. No namı, hona kı Meyremı dıcani nêbiye, hetê melekı ra amay bi vatenı.
22Gorê Qanunê Pêxember Musay, waxto kı saba pakbiyayişê#2:22 Pakbiyayiş: Gorê Qeydawa Musay, cinıka kı domano lacek ard, mıleti a cinıkı çewres roci mırdar say kerdenê. Ni çewres rocan ra dıma, Mabed de qurbanı kerdenê kı ancia pak bêro. Meyremı lazımo bi bi pırr. Nay dıma, Usıv u Meyremı layıkê xo berd suka Yeruşalimi#2:22 Yeruşalimi rê eyro Qudüs vanê. kı teqdimê Heqi kerê. 23Qanunê Heqi#2:23 Qanunê Heqi: Qanunê kı Heqi day bi Pêxember Musay. Ninan rê Qanunê Pêxember Musay ya ki Tevrat ki vanê. de na ama vatenı: “Ekı jü cinıkı laceko sıfteyın ard dina, o lacek saba Heqi bımbarek say beno.” 24Ancia Qanunê Heqi de nia emır beno: “Çutê qumriyan ya ki dı tenan çhêlıkanê gorgoçinan qurbanı kerê.” Usıvi bı Meyrem'a şi Yeruşalim kı ni emran biyarê hurindi.
25A waxt Yeruşalim de jü mêrık esti bi, namê niy Şimon bi. No mêrık Heqê xo de rast bi, itıqatın bi. Ni mêrıki pitenê kı Mesih bêro u İsraili bıresno retiye. Rowo Bımbarek serê niy de bi. 26Rowo Bımbareki Şimoni rê vati bi: “Tı hata kı Mesihê Heqi mevênerê, nêmırenay.” 27Nay ra, Rowo Bımbareki Şimon çarna hetê Mabedı. Gorê Qanunê Heqi, ma u piyê İsayê qıckeki o ard Mabedı kı cı kerê raya Heqi. 28Şimoni lacek gırot qucia xo, Heqi rê şukır kerd, vat:
29“Heqo, wado kı to day bi mın, to ard hurindi.
Nıka ki ezo, qulê to şikinan wertê zerrêweşiyê de bımıri.
30-31Mın xelesnayena kı to hazır kerda, bı çımanê xo'a diye.
Mıletê dina pêro ki nay vênenê.
32A roştia kı mıletê bini bereqnena
Saba sarê to İsraili ki şeref bena.”
33Ma u piyê layıki verê qesanê Şimoni de sas bi mandi. 34Şimoni inan rê düaê xêri kerdi. Bado mua layıki Meyremı rê vat: “İsrail de zafini rüyê ni layıki ra gınê waro, zafini ki benê berc. O bıxo beno alametı, dısmenê xo bı qesanê xo'a vera na alametı de fındenê. 35Ni pêro benê kı zerria kami de kı çı fıkır esto, va o bıveciyo teber. Ê to ki tı vanê kardi sanina zerria to.”
36Mabed de jü cinıka pêxemberı esti biye, namê nay Hanna bi. Aşira Aşêr ra, kêna Fanueli biye, zaf kokım biye. Na kı zeweciyay bi, hawt serri tepia mêrıkê xo merdi bi, viya mandi bi. 37Nıka heştay u çar serriya. Mabed ra qe nêveciyenê. Rocı gırotenê pê, peşew peroc düay kerdenê, Heqi rê ibadet kerdenê. 38Key kı Usıv u Meyremı ki Mabed de bi, Hanna ame lê inan. Hannay Heqi rê şukır kerd, kamo kı pitenê Heq Yeruşalimi bıxelesno ra, xebera İsay da inan.
39Usıv u Meyremı çiyê kı Qanunê Heqi de amê vatenı, ni pêro kı ardi hurindi, i a waxt peyser şi Celile, suka xo Nasıra. 40A waxt doman İsa biyenê pil u qewetın, bı hekmeta Heqi'a biyenê pırr. Rama Heqi serê iy de biye.
İsa Mabed dero
41Ma u piyê layıki her serrı saba Roca Fısıxi#2:41 Fısıx: Saba Yahudiyan roca bımbareka. Lista qesan ro sêr kerê, peyniya ni kıtabi de. şiyenê Yeruşalim. 42Key kı İsa bi des u dı serri, i ancia şi Yeruşalim kı Roca Fısıxi bımbarek kerê. 43Fısıx kı qediya, peyser gêray ya kı sêrê kê xo. Doman İsa Yeruşalim de mandi bi, xebera ma u pi nay ra çini biye. 44İnan qa vatenê kı İsa bı mıleti'a pia ray dero. Jü rocı kı ray ra şi, Meyremı bı Usıvi'a wertê mordemanê xo u havalanê xo de İsay feteliyay. 45İnan İsa nêdi, ay ra peyser gêray ya, şi Yeruşalim kı İsay bıvênerê. 46Hirê roci tepia İsa Mabed de wertê ilimdaranê itıqati#2:46 İlimdarê itıqati: İyê kı Kıtabê Bımbareki rınd zanê u çiyo kı ni kıtabi derê, inan muskınê telebanê xo. de roniştayi di. İsay gos denê qesanê ilimdaran ser, inan ra persi pers kerdenê. 47Kam kı İsay eşiya pê, verê baqıliya iy bı verê cüabanê iy de sas bi mand. 48Meyremı bı Usıvi'a kı İsa hini di, bi husk u kol mandi. Meyremı vat: “Ne lacê mın, to çay ma rê nia kerd? Mın u piyê to, saba to zaf tersayım, ma her ca de to feteliyayım.”
49İsay ki inan rê vat: “Sıma çay bı mın'a fetelinê, sıma nêzanê hurindia mın kê Piyê#2:49 Kê Piyê mın, yanê Mabed. mına?” 50Na vatena İsay ra, Meyremı bı Usıvi'a thaba fam nêkerd.
51İsa bı inan'a pia kut ray, peyser şi Nasıra. İy qesa ma u piyê xo say kerdenê. Mua xo çiyê kı di bi, pêro zerria xo de dardi we. 52İsay hetê ra lesı estenê, hetê ra ki bı hekmet'a biyenê pırr. Taqdirê Heqi bı ê mıleti'a gırotenê.
Nke Ahọpụtara Ugbu A:
Luka 2: kiu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 (Active), Wycliffe Bible Translators, Inc. All rights reserved.