Luk 3
3
Jɔn Opyeng-Assi Oddo Eden
1So owem itso tsi ri Tiberius ɔdaw evaar tsi ititam tse Rom, muma wɔ Pɔntiyɔs Pailet utɨma Judiya. Hɛrɔd utɨma Galili, unwɔkka kwɛ Filip utɨma Ituriya ɔttara Trakonitis, Lisaniyas utɨma Abilɛnɛ. 2Ki ibɛ ndo Annas ɔttara Kayafas aba de affɔnɛzza pi ititam pu Ubɨnɔkpaabyi, Ubɨnɔkpaabyi ɔnang Jɔn unwa kwɛ Zakariya ɛkkawa kɛ ɛkpa tsɔ ɔnang unu urɨg. 3Jɔn oseng oto oteg ɛkkawa nzo ki ifon ki ifon ɔbawa Jɔdan, noteg bɛ abɛ, “Atte npyuwa ɔbɔg abanga pyenga assi fasɛ Ubɨnɔkpaabyi ubɨna ɔnang banga ki ilom ra abanga kassa.” 4Tse kwɛ aba kɛr ku nnwɛr kwa Azaya, otegɛkkawa kwu Ubɨnɔkpaabyi:
“Ɛmang sɔ ɔnang ne gwon kɛ ɛkpa tsɔ ɔnang unu urɨg,
‘Abanga addo eden atsog Ɔvaar,
do nden va ndɔ nnem ɛnang-ɛ.
5Abɛ na kpa alɨm kwidede,
akpetso dɨm ɔttara akpetso va abɛ na tsar pyɛ ɛraga.
Addo nden wanga arɛ nnem,
addo nden pyiwa arɛ izuw.
6Ɔnang kwidede no se ɛnnanga tsu Ubɨnɔkpaabyi.’ ”
7Jɔn oteg anang pa abɛ kwu abɛ ɛma opyeng bɛ assi, “Abangama uva pa azɔk pyiwa! Anɛwɔ ɔnang banga ikamana abɛ abanga araw ki irem re mi kwu? 8Assi idɨg rɛ mɛ kɔga abɛ abanga ka akpen awaga. Abanga nanga abangama oyen ateg abɛ, ‘Amana ankam Ebraham kwo ode otte kwa mana.’ Nnɨm benbɛ nteg banga abɛ, Ubɨnɔkpaabyi okkema ɔwag nta nda ussi uva ɔnang Ebraham. 9Ebar kitɨma ka aranga pi tsi, itsi tsi idede tsɛ ɛna adwug ɔkka nɛwɔma abɛ na akpar tsɛ ataga ake ke ekpon.”
10Anang mbo aba bɔw Jɔn abɛ, “Ma ma anssi yan?”
11Jɔn ɔpɔn bɛ, “Ɔnang kwɔ ɔkam anɔma affa oreng wan ɔnang oyog kwɔ nɔkam, ɔttara odesɛ akam utsapfɛ nang ɔnang kwɔ ɔnɔkam.”
12Adɛgɛ, abɔwatasi ban aba kwu ma ka Jɔn abɛ opyeng bɛ assi, “Okpew-nnwer, amana ma si yan pɛrɛ apyeng mana assi?” Aba abɔw.
13Oteg bɛ abɛ “Abanga adaga akpog kataga ka anang ɔyɔnga tse kwa abɛ aben abɛ abanga ataga.” 14Ɔttara asɔza ban aba bɔw-ɛ Jɔn abɛ, “Amana massiyan?”
“Nanga akpog pa anang nataga kɛ ɛffa, nang anang udɨg abbal kwa aba nanasa, akpog pa abanga nataga aba gba banga.”
15Anang mbo abɛ na tsog itsen attara aba atan kɨ nttem rabɛ abɛ Jɔn wode Krais. 16Jɔn ɔpɔn bɛ ibɨng abɛ, “Amma ntɨm assi npyeng anang assi, ɔnang kwɔ ɔkam ɛffa ɔyɔnga amma ukwuma, ndig rɨntwag ro oke amma nɨngba kwɛ mɨntsar:#3:16 Ndɨg rɨ ntwak ro oke amma nɨ nwema kwɛ mɨ ntsar. Odesɛ ukuken owem kɔ ɔtsɔm kwɔ anang kwi Izɨrɛl, ubura wɔ nɔ tsar ukuken ntwak ɔttara okpow-ɛ nfogkpatwak. Jer Nnwɛr Kwɔ Ɔtɔm Kwa Atɔmɔtɔm 2:1–4. ɛma nutɨm Ɔkpakpa kwu Ubɨnɔkpaabyi opyeng banga assi ɔttara ke ekpon.#3:16 Ekpon ekkema ede ɛkɔga ri idɨg ri sawɔsaw. Ekkema ede ekpon tsi iponga. Ekkema ede akpondag pya aba ase ki igwu sɨ Pɛntikɔs. Ekkema ɛkɔga iwurada tsɔ ɔnang. 17Utɨm ɔkpangkpang kɔ ɔbɔg odo ɛkpakpa tsɛ mu uguma atsifog, ɔtaga amama okka otsog kɔ ɔtsɔm, ɔtaga affog oke ke ekpon tsi inidɨma ɛkam.” 18Muma wɔ kwɛ Jɔn utum nden rɨ nsaw-ɔsaw ɔnang bɛ ɔkpakpa kpɔg ɔttara oteg bɛ ɛkkawa zuwa tsu Ubɨnɔkpaabyi. 19Ki ibɛ kuma dan, Jɔn ɔkpɛm ɔvaar Hɛrɔd abɛ udɨg kwusi akwɛ kuzuw ukwurabɛ ɔtaga Hɛrɔdiyas, ukwa kwu unwɔkka ɔttaga ɔba masɛ ukwa kwɛ. Ɔkpɛmɛ adɛgɛ ki idɨg ndo ga ibɨng pyiya pyiya rɛ kussa abɛ arɛ ki izuw. 20Hɛrɔd ussi ipyuwa ɔdwag-ɔdwag tsɛ, ɔtaga Jɔn oke ngbakkɔw.
Jɔn Opyenga Jisɔs Assi
21Jisɔs opyenga assi sɛ Jɔn ka anang bo ibɨng assi opyenga. Masɛ Jisɔs nɔ ɔzɔm atɨm ɛrang egwonga, 22Ɔkpakpa kwu Ubɨnɔkpaabyi ubɨna ga ɛrang ukwu dambɛ ikpowuga ɛkwɛ ɛnana Jisɔs, ɔtɔnga kwu Ubɨnɔkpaabyi ubɨna kɛ ɛrang ɔraga, oben abɛ, “Ɔma wɔ ade unwa kwam kwɔ ɔdag-m, ettem kame ellewa tɔng.”
Effona tsɛ Jisɔs
23Masɛ Jisɔs ukwu owem itso ɛraw ukkuma zow muma wɔ kwu utitso kɔ ɔtɔm pfu Ubɨnɔkpaabyi ɔnang-ɛ. Anang aba atan abɛ Jisɔs unwa kwɛ Josɛf wɔ, Josɛf#3:23 Luk oteg mana otse kwu Jisɔs ode unwa kwu Josɛf, udɨm kwu Meri. Ɔkɔg mana abɛ Jisɔs ubɨn ke effona tsɔ Ɔvaar Devid ɔttara Ebraham otte kwɛ anang pi Izɨrɛl. unwa kwɛ Hɛli, 24Heli unwa kwɛ Mattat,
Mattat unwa kwɛ Lɛvi, Lɛvi unwa kwɛ Mɛlki,
Mɛlki unwa kwɛ Jannai, Jannai unwa kwɛ Josɛf,
25Josɛf unwa kwɛ Mattatiyas, Mattatiyas unwa kwɛ Emɔs, Emɔs unwa kwɛ Nahum, Nahum unwa kwɛ Esli,
Esli unwa kwɛ Naggai. 26Naggai unwa kwɛ Maat,
Maat unwa kwɛ Mattatiyas, Mattatiyas unwa kwɛ Sɛmein,
Sɛmein unwa Josɛk, Josɛk unwa kwɛ Joda,
27Joda unwa kwɛ Joanan, Joanan unwa kwɛ Rɛsa,
Rɛsa unwa kwɛ Zɛrubabɛl, Zɛrubabɛl unwa kwɛ Shealtiyel,
Shealtiyel unwa kwɛ Nɛri, 28Nɛri unwa kwɛ Mɛlki,
Mɛlki unwa kwɛ Addi, Addi unwa kwɛ Kosam,
Kosam unwa kwɛ Ɛlmadam, Ɛlmadam unwa kwɛ Ɛr,
29Ɛr unwa kwɛ Joshuwa, Joshuwa unwa kwɛ Ɛlieza,
Ɛlieza unwa kwɛ Jorim, Jorim unwa kwɛ Mattat,
Mattat unwa kwɛ Lɛvi, 30Lɛvi unwa kwɛ Simyon,
Simyon unwa kwɛ Juda, Juda unwa kwɛ Josɛf,
Josɛf unwa kwɛ Jonam, Jonam unwa kwɛ Ɛliyakim,
31Ɛliyakim unwa kwɛ Mɛlea, Mɛlea unwa kwɛ Mɛnna,
Mɛnna unwa kwɛ Mattata, Mattata unwa kwɛ Natan,
Natan unwa kwɛ Devid, 32Devid unwa kwɛ Jɛssɛ,
Jɛssɛ unwa kwɛ Obed, Obed unwa kwɛ Bowaz, Bowaz unwa kwɛ Salmon, Salmon unwa kwɛ Nashon,
33Nashon unwa kwɛ Amminadab, Amminadab unwa kwɛ Admin,
Admin unwa kwɛ Arni,
Arni unwa kwɛ Hɛzron, Hɛzron unwa kwɛ Pɛriz,
Pɛriz unwa kwɛ Juda, 34Juda unwa kwɛ Jekɔb,
Jekɔb unwa kwɛ Azik, Azik unwa kwɛ Ebraham,
Ebraham unwa kwɛ Tɛra, Tɛra unwa kwɛ Nahɔ,
35Nahɔ unwa kwɛ Sɛrug, Sɛrug unwa kwɛ Riwu,
Riwu unwa kwɛ Pɛlɛg, Pɛlɛg unwa kwɛ Ɛbɛr,
Ɛbɛr unwa kwɛ shɛlah, 36Shɛlah unwa kwɛ Kainan,
Kainan unwa kwɛ Arfasad, Arfasad unwa kwɛ Shɛm,
Shɛm unwa kwɛ Nowa, Nowa unwa kwɛ Lamɛk,
37Lamɛk unwa kwɛ Mɛtusɛla, Mɛtusɛla unwa kwɛ Ɛnɔk,
Ɛnɔk unwa kwɛ Jarɛd, Jarɛd unwa kwɛ Mahalalɛl,
Mahalalɛl unwa kwɛ Kɛnan, 38Kɛnan unwa kwɛ Ɛnɔsh,
Ɛnɔsh unwa kwɛ Sɛt, Sɛt unwa kwɛ Adam,
Adam unwa kwu Ubɨnɔkpaabyi.
Nke Ahọpụtara Ugbu A:
Luk 3: mfn
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
©️2022 Luke Initiative for Scripture Translation