ራእዩ ለዮሐንስ 5
5
ምዕራፍ 5
በእንተ መጽሐፍ ኅትምት
1 #
4፥2፤ ሕዝ. 2፥9-10፤ ኢሳ. 29፥11። ወእምዝ ርኢኩ ውስተ የማኑ ለውእቱ ዘይነብር ዲበ መንበር መጽሐፈ ጽሕፍተ እንተ ውስጣ ወእንተ አፍኣሃ ወኅትምት በሰብዐቱ ማኅተም። 2ወርኢኩ መልአክ ዐቢይ ይጸርሕ ወይብል በቃል ዐቢይ ለመኑ ይደልዎ ይክሥታ ለዛቲ መጽሐፍ ወይፍታሕ ማኅተሚሃ። 3ወአልቦ ዘክህለ ከሢቶታ ለይእቲ መጽሐፍ ወኢርእዮታ ኢበሰማይ ወኢበምድር። 4ወብዙኃን እለ በከዩ ወአነሂ ምስሌሆሙ እስመ አልቦ ዘተረክበ ዘይደልዎ ይክሥታ ለይእቲ መጽሐፍ ወይርአያ። 5#ዘፍ. 49፥9-10፤ ኢሳ. 11፥1-10። ወይቤለኒ አሐዱ እምውስተ እልክቱ ሊቃናት ኢትብኪ ናሁ ሞአ አንበሳ ዘእምነገደ ይሁዳ ዘእምውስተ ሥርዉ ለዳዊት ከመ ይፍትሓ ለይእቲ መጽሐፍ ወለማኅተሚሃ። 6#ኢሳ. 53፥7፤ ዮሐ. 1፥29-37፤ 1ጴጥ. 1፥19፤ ዘካ. 4፥10። ወርኢኩ ማእከለ ዝኩ መንበር ወእልክቱ አርባዕቱ እንስሳሁ ወማእከለ እልክቱ ዕሥራ ወአርባዕቱ ሊቃናት ይቀውም በግዕ ከመ ዘርጉዝ ውእቱ ወቦ ሰብዐቱ አቅርንት ወሰብዐቱ አዕይንት ወዝንቱ ውእቱ መንፈሱ ለእግዚአብሔር ዘተፈነወ ውስተ ኵላ ምድር። 7ወመጽአ ወተመጠዋ ለይእቲ መጽሐፍ እምነ የማኑ ለዝክቱ ዘይነብር ዲበ መንበር። 8#መዝ. 140፥2። ወሶበ ተመጠዋ ለይእቲ መጽሐፍ ሰገዱ ሎቱ ቅድሜሁ ለውእቱ በግዕ እልክቱ ዕሥራ ወአርባዕቱ ሊቃናት ወእልክቱ አርባዕቱ እንስሳሁ ወያጸንዑ ኵሎሙ ጽዋዓተ ወርቅ ዘምሉእ ዕጣነ ወመሰንቆ መዝሙር ወዝ ውእቱ ጸሎቶሙ ለቅዱሳን። 9#4፥11፤ መዝ. 32፥3። ወይዜምሩ በመዝሙር ሐዲስ ወይብሉ ይደልወከ ትንሥኣ ለዛቲ መጽሐፍ ወትፍታሕ ማኅተሚሃ እስመ ተቀተልከ ወተሣየጥከ በደምከ ለእግዚአብሔር እምነ ኵሉ ሕዝብ ወአሕዛብ ወነገድ ወበሓውርት። 10#1፥6። ወረሰይከ እምኔሆሙ ለመንግሥተ እግዚአብሔር ካህናተ ወነገሥተ ከመ ይምልኩ ኵሎ ምድረ። 11#ዳን. 7፥10። ወሰማዕኩ ቃለ መላእክት ብዙኃን በዐውዱ ለውእቱ መንበር ወዘእንስሳሁኒ ወዘእልክቱኒ ሊቃናት ወኍልቆሙሰ እልፍ ወአእላፍ ወትእልፊተ አእላፋት ዘእልፍ አግዓዚ። 12#4፥11። ወይብሉ በቃል ዐቢይ ይደልዎ ለውእቱ በግዕ ዘተቀትለ ከመ ይንሣእ ኀይለ ወብዕለ ወጥበበ ወጽንዐ ወመንግሥተ ወክብረ ወስብሐተ ወበረከተ። 13#መዝ. 150፥6። ወኵሉ ዘተፈጥረ ዘበሰማይ ወዘበምድር ወዘታሕተ ምድር ወዘውስተ ባሕር ወኵሉ ዘውስቴቶሙ ይብሉ ስብሐት ወክብር ወኀይል ወበረከት ለዘይነብር ዲበ መንበሩ ወለበግዑ ለዓለመ ዓለም አሜን። 14#19፥4። ወይብሉ እልክቱ አርባዕቱ እንስሳሁ አሜን ወሰገዱ ሎቱ እልክቱ ሊቃናት።
Nke Ahọpụtara Ugbu A:
ራእዩ ለዮሐንስ 5: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye