መልእክተ ዮሐንስ ሐዋርያ 1 1
1
ምዕራፍ 1
በእንተ ነገረ ሕይወት
1 #
ዮሐ. 1፥4፤ ሉቃ. 24፥39። ንዜንወክሙ በእንተ ውእቱ ዘሀሎ እምቅድም ውእቱ ዘሰማዕናሁ በእዘኒነ ወዘርኢናሁ በአዕይንቲነ ወዘጠየቅናሁ ወዘገሠሣሁ እደዊነ በእንተ ነገረ ሕይወት። 2#ዮሐ. 1፥1-7። እስመ ሕይወት ተዐውቀት ለነ ወርኢናሃ ወስምዐ ኮነ ወንዜንወክሙ ለክሙኒ ሕይወተ እንተ ለዓለም እንተ ሀለወት ኀበ አብ ወተዐውቀት ለነ። 3ወርኢናሃ ወሰማዕናሃ ወንዜንወክሙ ለክሙኒ ከመ አንትሙኒ ትኩኑ ሱታፌ ምስሌነ ወሱታፌነሰ ምስለ አብ ወምስለ ወልዱ ኢየሱስ ክርስቶስ። 4#ዮሐ. 15፥11፤ 16፥24። ወዘንተ ንጽሕፍ ለክሙ ከመ ትፍሥሕትክሙ ፍጽምተ ትኩን ብነ። 5#መዝ. 103፥2፤ ዮሐ. 8፥12። ወዛቲ ይእቲ ዜና እንተ ሰማዕናሃ ትካት እምኔሁ ወንዜንወክሙ ከመ እግዚአብሔር ብርሃን ውእቱ ወጽልመትሰ አልቦ ኀቤሁ ወኢአሐተኒ። 6#2፥4። ወእመሰ ንቤለክሙ ብነ ሱታፌ ምስሌሁ ወውስተ ጽልመት ነሐውር ንሔሱ ወኢንገብራ ለጽድቅ ወለርትዕ። 7ወእመሰ ውስተ ብርሃን ነሐውር በከመ ውእቱ ብርሃን ሱቱፋን ንሕነ በበይናቲነ ወደሙ ለኢየሱስ ክርስቶስ ያነጽሐነ እምኵሉ ኀጣውኢነ። 8ወእመሰ ንብል አልብነ ኀጢአት ንጌጊ ለርእስነ ወአልቦ ርትዕ ኀቤነ። 9#1ተሰ. 5፥24። ወእመሰ ነገርነ ወአመነ ኀጢአተነ ምእመን ውእቱ ወጻድቅ ከመ ይኅድግ ለነ ኀጣውኢነ ወያነጽሐነ እምኵሉ አበሳነ። 10ወእመሰ ንቤ ኢአበስነ ሐሳዌ ንሬስዮ ሎቱ ወቃሉኒ ኢሀሎ ኀቤነ።
Nke Ahọpụtara Ugbu A:
መልእክተ ዮሐንስ ሐዋርያ 1 1: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye