युहनाल भूमिका
भूमिका
येसु मसिना खास चेलाल युहन्नाल इद पुस्तक कोटता मन्तोर इदाम इतिहास मन्ता। इद पुस्तगतिगा येसु मसिन अनन्त जिवन हेवाल परमेस्वर इदाम तोहान्तोर। इद पुस्तकता उदेश: “येसुये परमेस्वरनोर मरि मसि आन्दुर इन्जोर निमाट विस्वास किम्ट अनि विस्वास किस ओना पोरोयते अनन्त जिवन पुटहाट इन्जोर मन्ता।”
इद पुस्तकता हजोर पोल्लो इव मन्ता: परमेस्वर मानेय आस दरतितिगा वातोर ओन येसु इन्जोर पोरोय केयतुर। येसु परमेस्वरिन आपुना बाबाल इन्जोर केयान्तोर। बाबो परमेस्वरना हेरे हन्दाना साटि हरि उन्दिय मन्ता ओद हरि ननाय आन्दान इन्जोर येसु वेहतुर। स्वरग राज्यतिगा हन्दान साटि उन्दिय कवाळ मन्ता ओद खरोय कवाळ ननाय आन्दान इन्जोर येसु वेहतुर। आकरिते येसु इदाम वेहिन्तोर नना अनि नावोर बाबो उन्दिय मन्तोम, नाकुन हुळतोर ओर नावा बाबोन वने हुळतोर। असा जिवेमायाना अनि अनन्त जिवा ननाय मन्तोना इन्जोर येसु वेहिन्तोर। इदाम येसु परमेस्वरना मरि, दुनियाता वेळिचि, खरोय हरि अनि खरोय कवाळ, असा जिवेमायाना अनि अनन्त जिवन इदाम सबोयताल हजोर परमेस्वर ओरेय मन्तोर इदाम येसुन तोहान्तोर।
इद पुस्तक वाचेकियान साटि मिकुन सन्दि पुटि इन्जोर मिकुन धन्यवाद किन्तोना बाक्याकि येसु सबोय लोकुरकुन पिसान साटि मानेय आस स्वरगताल दुनियातिगा वातोर परमेस्वर मन्तोर इन्जोर इद पुस्तक तोहान्ता। येसु लोकुरा पापतुन मापि हिन्तोर इन्जोर ओनागा निमाट विस्वास कियाकिट ते मिया पापता मापि आस मिकुन अनन्त जिवा पुटार। ओद अनन्त जिवा स्विकार कियाकिट ते निमाट हायकिट ते वने असा जिवे मासुन स्वरगतिगा अनन्त काळ मन्दाकिट। इन्जोर ओर येसुनिगा निमाट विस्वास किम्ट। परमेस्वर मिकुन आशिष हेविर।
रुप-रेखा
भूमिका १:१-१८
युहन्ना बपतिस्मा हेवाल अनि येसुनोर पहले चेलाल १:१९-५१
येसु मसिना सेवा २:१—१२:५०
येरुसलेमतिगा आकरिता हुचुक दियांग १३:१—१९:४२
प्रबुना असा जिवेमायाना अनि ओना दिसाना २०:१-१३
उपसंहार: गलीलतिगा असा दिसाना २१:१-२५
Nke Ahọpụtara Ugbu A:
युहनाल भूमिका: fmu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© (Active) Wycliffe Bible Translators, Inc. All rights reserved.