Lukasi 20
20
1Na yakwilaga lusiku lumo, aho wavagi alivahembeka vanhu mwisengelo na wayitanizaja Mhola ya Chelu, vahozya na vamanicha fitabu na vanamhala vegelaga 2na vamuwilaga vuhaya, Utuwile, na vukovozi ki uligavezya genaya, ninga ali nani homwene wakupaga 3vukovozi wenuvu? Nawe witavukaga na wavawilaga, Nene mwene nkumuvuzya muhayo gumo, mumbwile, 4Kogiwa kwamwa Yohana kwafumile kwilunde ninga ku 5vanhu? Na vikomaja hamohene na vayombaga, Ulu tuliyomba: Kufuma kwilunde, haho akuyomba, Kuki 6haho mukamusanizizye? Ulu tuliyomba: Kufuma ku vanhu, haho vanhu vose vakututulagula mawe, 7kwisi valisanizya vuliko ati Yohana wavage mufumbuzi. Na vitavukaga ati vakamanikizye uko kwafumaga. 8Yesu wavawilaga, Sisyo nene mwene kumuwila inwe ngʼo na vukovozi ki ndivezya genaya.
Haho wavukizaja kuvawila vanhu mukolani ugu. 9Munhu walimaga mugunda gwa mizabibu na wagupangisaja ku valimi, na wajaga ku chalo kingi nsiku ningi. 10Na mwitungo lyafyo wamutumizaja mukumba ku valimi, kigele vamupe ku fisumo fya mugunda. Alisi valimi vamutulagulaga na vamusyokaja vuduhu kinhu. Na wasyokelezaja na wamutumizaja mukumba ungi. 11Alisi nawe mwene vamutulagulaga na vamuyeyaga na vamusyokaja vuduhu kinhu. 12Na wasyokelezaja hangi na wamutumizaja mukumba wa vudatu. Nawe mwene vamugulazaja na vamutagilaga hanze. 13Na guku wa mugunda wayombaga, Niteki? Nkumutumizya mwana wane mutoneke, hamo vakumogoha mwenuyu. 14Alisi aho valimi vamuvonaga vikomekezaja hamohene, vuhaya, Mwenuyu ali musaliki, tumuvulage, kigele isalo live liswe. 15Na vamutagilaga hanze na mugunda na vamuvulagaga. 16Guku wa mugunda akuvitilaki venava? Akwiza na akuvazimizya valimi venava na akuvapa vangi mugunda. Alisi aho vayigagwa yeniyi vayombaga, Yileke kukwila! 17Na wavalolaga, uhaya, Muhayo ki haho ugo gutonilwe?
Iwe holyene vazenguzi valikanaga lyavile iwe lya ha kituli.
18Homwene aligwila kwiwe lyenili akuvinzagulwa, alisi uyo homwene lilimugwila likumutovagula.
19Na hʼitungo lyenilo vamanicha fitabu na Vafarisayo vakovaga kumudima, alisi vavogohaga vanhu, kwisi vamanikaja ati wayombaga mukolani ugu kunguno yavo. 20Na vamwitegelaga na vavatumizaja vakisuzi hovene vavezaja kitisi vali vagololoku, kigele vamwitegele na mihayo, kigele vamutavule kwivanza na ku vukovozi wa munachalo. 21Na vamuvuzaja vuhaya, Muhembeki, tulimanicha ati uliyomba na ulihembeka loleyene, na ukavile kuvulola vusyu wa munhu, sumbwa ulihembeka nzila ya Mulungu mugati na loleyene. 22Kinahe, luhusa luliho tumulipe Kaisari kodi ninga ngʼo? 23Alisi aho Yesu wavuvonaga vuyengani wavo, wavawilaga, 24Munoleche denari yimo; lili isumbano na vutone 25wamwa nani? Vayombaga, Wamwa Kaisari. Na wavawilaga, Haho mumulipe Kaisari fyenifyo fyamwa 26Kaisari, na Mulungu fyenifyo fyamwa Mulungu. Na vavagi vakakovolile kumudima na muhayo gumo hambele na vanhu, na vakumaja kwitavuka kwakwe na vahulikaga sele.
27Na Vasadukayo vamo vegelaga, hovene valiyomba ati kuduhu kuhembuka ku lufu, vamuvuzaja, vuhaya, 28Muhembeki, Mose watutonelaga ati, ulu muduguye wa munhu, homwene ali na mukima, alifwa na akavile na mwana, haho muduguye amusole mukima na amuhembukizye muduguye mbiyu ya vana. 29Sisyo vavagiho vadugu mpungati. 30Na wa mbele wamutolaga mukima na wafwaga ali gele mwana. 31Wa vuvili na wa vudatu vamusolaga, na sisyo kusika avo vose mpungati vakavalekelile vana na vafwaga. 32Hanuma mukima mwene wafwaga. 33Mu vuhembuke ku lufu mukima 34uyo alave mukima wamwa nani mugati navo? Kwisi vose mpungati vamutolaga. Na Yesu wavawilaga, 35Vana va liwelelo lyenili valitola na valitolwa; alisi venavo hovene vakupiwa kufika mu liwelelo lilakiza na 36mu vuhembuke wa vafwile, kutola ngʼo ninga kutolwa ngʼo, kwisi vakakovolile kufwa hangi; vakuvikola vamalaika, vakuvi vana va Mulungu, kunguno vali vana va vuhembuke. 37Alisi Mose mwene wafumbulaga hʼisaka ati vafwile valihembuka, aho wamwitanaga Guku: Mulungu wamwa Abrahamu, na Mulungu wamwa Isaka, 38na Mulungu wamwa Yakobo. Alisi uyu akavile Mulungu wa vafwile, sumbwa wa vazuvuku, kwisi hambele nawe vose valizuvuka. 39Na vamo va vamanicha fitabu vitavukaga, vuhaya, Muhembeki, 40wayombaga sisoga; kwisi vakagimile kumuvuzya muhayo gumo hangi.
41Na wavawilaga, Valiyomba na mutindo ki ati Kristo 42ali Mwana wamwa Davidi? Kwisi Davidi mwenekili aliyomba mu kitabu cha zaburi,
Guku wamuwilaga Guku wane,
Wikale ha mulila gwane,
43Kusika navatula vanisi vako ha magulu gako.
44Sisyo Davidi alimwitana: Guku, lumehoki hangi alimwana wakwe?
45Na hambele na matwi ga vose wavawilaga vahemba 46vakwe, Mwikomye hambele na vamanicha fitabu! Valitogwa kuyumbayumba mu nhanzo ndihu na valitogwa kugisiwa mu magulilo na kwikala ku masumbi 47ga kumbele mu masinagogo na ha mayeye; hovene vakuzilyaga numba zya vasimbe, na cha vugulumi vakulombaga itungo ihanya. Ava vakuyangulwa vuyanguzi vutimbu munogwene.
Nke Ahọpụtara Ugbu A:
Lukasi 20: Nym51
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Nyamwezi New Testament © Bible Society of Tanzania, 1951.