Yohana 2
2
1Na lusiku lwa vudatu wavagiho winga mu Kana mu Galilaya na nina wamwa Yesu wavagiko. 2Na Yesu mwene witanagwa hamohene na vahemba vakwe ku winga. 3Na aho mvinyo yadohaga nina wamwa 4Yesu wamuwilaga, Mvinyo haduhu. Yesu wamuwilaga, Mukima, ndi na muhayo ki naʼho? Itungo lyane litali kufika. 5Na nina wavawilaga vakumba, Hochene 6akumuwila inwe, mwitage cheniki. Na zyavagiho mizoga mkaga zya mawe zitulilwe ha kitilwe cha Vayahudi cha kwikalava, kila muzoga ngelo ivili ninga idatu. 7Yesu wavawilaga, Muzyokazaje mizoga na minzi; 8navo vazyokazaja na. Na wavawilaga, Mudahaje na mumufilile muvezya mayeye, navo vafilaga. 9Alisi aho muvezya mayeye wagalavuzaja minzi hogene gavile mvinyo na akamanikizye uko yafumile, (alisi vakumba hovene vagadahaja vamanikaja), muvezya 10mayeye wamwitanaga mutozi, umuwila, Vanhu vose vakutulaga hambele mvinyo nsoga hakulila, na ulu viguta, haho iyo yikavile nsoga, alisi veve wayitulaga mvinyo nsoga kusika lelo. 11Mbuki yeniyi ya migaka Yesu wayivezaja mu Kana mu Galilaya, na wafumbulaga lukumo lwakwe, na vahemba vakwe vamusanizaja.
12Hanuma na genaya watelemukaga kuja ku Kapernaumu, uyu na nina na vaduguye na vahemba vakwe, na vikalagako nsiku ndo duhu.
13Na Pasaka ya Vayahudi yavagi bihi na Yesu walinaga kuja ku Yerusalema. 14Na wavavonaga mwisengelo vaguzya ngʼombe na ngʼholo na nhunda na vabadila mapesa vikalileho. 15Na watiligaga lugoye lwa katani na wavapezaja vose mwisengelo, ngʼholo na ngʼombe zyene, wagamwagaga mapesa ga vabadizi na 16wazikunulaga meza zyavo, na wavawilaga vaguzya nhunda, Mugingaje genaya henaha na mukayivezye ngʼo numba yamwa Vava kuvi numba ya vusuluzya. 17Na vahemba vakwe vizukilaga ati yatonilwe, Ivuva kunguno ya numba yako likundya nene. 18Haho Vayahudi vitavukaga na vamuwilaga, Ulitolecha lumeho ki, kunguno ulivezya yeniyi? 19Yesu witavukaga, uvawila, Mulibomole isengelo lyenili nane nhulizenga hangi mu nsiku idatu. 20Haho Vayahudi vayombaga, Isengelo lyenili lyazengagwa mu myaka makumi anne na mkaga, naʼho ukulizenga mu nsiku idatu? 21Alisi wayombaga kunguno ya isengelo lya muvili gwakwe. 22Alisi aho waliwahembuka ku lufu, vahemba vakwe vizukilaga ati wayombaga yeniyi, na vavusanizaja vutone wenuvo na muhayo hogwene Yesu wayombaga.
23Na aho wavagimo mu Yerusalema ha sikukulu ya Pasaka vingi valisanizaja lina lyakwe, aho vayivonaga migaka hoyene witaga. 24Alisi Yesu akisanizizye mwenekili kuwavo kunguno wavamanikaja vose, 25na kunguno wavagi akafundile umo asangilwe kunguno ya munhu, kwisi mwenekili wamanikaja genayo gavagimo mu munhu.
Nke Ahọpụtara Ugbu A:
Yohana 2: Nym51
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Nyamwezi New Testament © Bible Society of Tanzania, 1951.