Yela 29
29
Korowii taa waa kpeɡa wa
Kooro Devid yel
1Nyundua toroma,
hé kpɛɛ Korowii,
hé kpɛɛ o jirima ne kpeɡri
waa dɔa wa.#Yel 96:7-9
2Hé baɡle kɛŋɔ o sɔn la
dɔ jirima kohona,
hé tomɛ Korowii Waa Do
Goroŋ,
dɛ dɔ jirima kohona la.
3Korowii taa bɔle mpo ta,
Korowii waa dɔ jirima kɔrɔ
kɛŋɔ bwaala ken,
a ka le mpo ta bobɛlbwa.
4Korowii taa kpeɡri,
dɛ do kan, dɛ dɔ jirima
kohona.
5Korowii taa kpeɡri dɛ won
peleme daa kuuɡa,
hale dakpeɡa aa lɔ
Lɛbanɔn.
6O taa ɡelɔ Lɛbanɔn bwejena
ɛɛ yiiɡi kɛ nabiiri
aa dɛ jah,
Hɛmɔn Bwejen ɡe do kɛ
nabale waa dɛ jah.
7Korowii bol wa,
a do kɛ bwaala aa nyɛɡla.
8O taa ɡbo ɡelɔ
pua hɛŋle ɡbo harɛ jiɡri,
o ɡelɔ Kades pua hɛŋle ɡbo
harɛ jiɡri.
9Korowii taa yiiɡi dakpeɡa,
dɛ chure kɔr bini daa
papooni ta.
Asɛ nɛra baa lɔ o Dea
ɛɛ dooɡe lɔŋɔre ŋɔ,
“Hé kpɔ jirima tɛ Korowii!”
10Korowii dɛ di kora
mpo vile ta,
o dɛ di kora saŋ bɛlbwa
dɛɛ la.
11Korowiirii dɛɛ tɛ o nɛra
bokpeɡa,
dɛɛ swee ba andɛɛɡa,
dɛɛ tɛɛ ba deŋnesɔɔhna.#Aes 40:29
Nke Ahọpụtara Ugbu A:
Yela 29: mzw
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.