Génesis 5
5
Adán iñemoñaa reta
1-2Tumpa jaeramo uyapo yawe kuimbae, Tumpa echa rami uyapo. Tumpa uyapo kuimbae jare kuña, jare uyapo ikawi wae chupe reta iñee rupi. Jare jokua ara uyapo reta yawe, Tumpa jei chupe reta: “Pe reta ko jae piko waerä kua ɨwɨ pe,”#5.1-2 Hebreo ñee pe, tee Adán uipota jei “kuimbae” jare uipota jei wi “ɨwɨ pewa.” jei chupe reta.
Kua jae Adán iñemoñaa pewa tee reta:
3Adán 130 año wɨreko yawe, pëti taɨ oa jae echa rami. Jare umbɨjee Set. 4Joko wi Set oa wiwe, Adán iko ïru 800 año ye. Oa wi Adán pe ïru taɨ reta jare tayɨ reta. 5Jayawe Adán ime wɨreko 930 año yawe, umano.
6Set 105 año wɨreko yawe, oa jae taɨ Enós. 7Joko wi Enós oa wiwe, Set iko ïru 807 año ye. Oa wi Set pe ïru taɨ reta jare tayɨ reta. 8Jayawe Set ime wɨreko 912 año yawe, umano.
9Enós 90 año wɨreko yawe, oa jae taɨ Cainán. 10Joko wi Cainán oa wiwe, Enós iko ïru 815 año ye. Oa wi Enós pe ïru taɨ reta jare tayɨ reta. 11Jayawe Enós ime wɨreko 905 año yawe, umano.
12Cainán 70 año wɨreko yawe, oa jae taɨ Mahalaleel. 13Joko wi Mahalaleel oa wiwe, Cainán iko ïru 840 año ye. Oa wi Cainán pe ïru taɨ reta jare tayɨ reta. 14Jayawe Cainán ime wɨreko 910 año yawe, umano.
15Mahalaleel 65 año wɨreko yawe, oa jae taɨ Jared. 16Joko wi Jared oa wiwe, Mahalaleel iko ïru 830 año ye. Oa wi Mahalaleel pe ïru taɨ reta jare tayɨ reta. 17Jayawe Mahalaleel ime wɨreko 895 año yawe, umano.
18Jared 162 año wɨreko yawe, oa jae taɨ Enoc. 19Joko wi Enoc oa wiwe, Jared iko ïru 800 año ye. Oa wi Jared pe ïru taɨ reta jare tayɨ reta. 20Jayawe Jared ime wɨreko 962 año yawe, umano.
21Enoc 65 año wɨreko yawe, oa jae taɨ Matusalén. 22Joko wi Matusalén oa wiwe, Enoc imeño uñemɨïru Tumpa ndiwe ïru 300 año ye, jare oa wi Enoc pe ïru taɨ reta jare tayɨ reta. 23Jayawe Enoc iko 365 año rupi. 24Enoc uñemɨïru kawiñoi Tumpa ndiwe. Erëi pëti ara aramoiño uyekuaa’ä ma, echa’ä Tumpa wɨraa ɨwɨ wi jekowe rewe ramo.
25Matusalén 187 año wɨreko yawe, oa jae taɨ Lamec. 26Joko wi Lamec oa wiwe, Matusalén iko ïru 782 año ye, jare oa wi Matusalén pe ïru taɨ reta jare tayɨ reta. 27Jayawe Matusalén ime wɨreko 969 año yawe, umano.
28Lamec 182 año wɨreko yawe, oa Lamec taɨ. 29Jare umbɨjee Noé,#5.29 Tee Noé uipota jei “yanembuputuu” jare “yanembɨpɨakatu” hebreo ñee pe. echa’ä jei: “Tumpa uyepɨpeyu kua ɨwɨ re; jáeramo yaparawɨkɨta ko täta ime waerä yanderembiurä. Erëi kua ko jae yanembuputuuta yandeparawɨkɨ täta wi,” jei. 30Joko wi Noé oa wiwe, Lamec iko ïru 595 año ye, jare oa wi Lamec pe ïru taɨ reta jare tayɨ reta. 31Jayawe Lamec ime wɨreko 777 año yawe, umano.
32Noé ime wɨreko yawe 500 año rupi, ime wɨreko mbapɨ taɨ reta: Sem, Cam, jare Jafet jee wae reta.
Nke Ahọpụtara Ugbu A:
Génesis 5: gnwPB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017, Ethnos360 (New Tribes Mission). All rights reserved.