لُکَ 20
20
تٛيْ بَاوْطٜ عِيسَى عِوِ؟
(مَتَّ 21:23-27؛ مَرْکُسْ 11:27-33)
1ࢩَنْدٜ ڢٜىٰرٜ عِيسَى طٛنْ عٜکِّتِنَ يِمْࢡٜ ندٜرْ حَيْکَلِيرُ، عٛوَازِنِ ࢡٜ کُبَرُوٛلْ بٜلْنغٛلْ؞ مَوْࢡٜ لِمَنْعٜنْ عٜ مٛودِࢡّٜ عٜ ندٛتِّعٜنْ نغَرِ، 2ࢨَمِمٛ: «يٜشُّ مِنْ بٜى دُنغَيٜىٰرٜ مٛيْ عَوَارَتَ کُوجٜ طٜعٜ؟ مَلَّ مٛيْ دُنغَنِ مَ وَطُغٛ بَنَ نِي؟» 3عٛجَابِ ࢡٜ: «مِنْ بٛو مِࢨَمَنْ عٛنْ حُوندٜ وٛورٜ؞ مبِعٜىٰطَمْ: 4مٛيْ دُنغَنِ يُحَنَّ وَطَنْغٛ يِمْࢡٜ بَݠْتِسْمَ؟ اَللَّه نَا مَلَّ يِمْࢡٜ؟» 5عَمَّا ࢡٜمبِعْمبِعْتِرِ: «تٛ عٜنْ مبِعِ: اَللَّه، عٛوِعَنْ: کٛنِ عٛنْ نُطِّنَايْ مٛ؟ 6تٛ عٜنْ مبِعِ: يِمْࢡٜ، ندٜنْ بٛو يِمْࢡٜ ڢُو ݠِطَنْ عٜنْ بٜى کَاعٜ، نغَمْ ࢡٜنُطِّنِ يُحَنَّ عٛ اَلنَّبِيجٛ ڢَکَتْ؞» 7ندٜنْ ࢡٜنجَابِ: «مِنْ عَنْدَا؞» 8عِيسَى وِعِ ࢡٜ: «مِنْ بٛو مِوِعَتَا عٛنْ بٜى دُنغَيٜىٰرٜ مٛيْ مبَطَنْمِ کُوجٜ طٜعٜ؞»
بَلْندٛلْ دٛوْ دٜمٛووٛ کَلُّطٛ
(مَتَّ 21:33-46؛ مَرْکُسْ 12:1-12)
9ࢡَاوٛ مَنْ عِيسَى ڢُطِّ وٛلْوَنْغٛ يِمْࢡٜ بَلْندٛلْ نغٛعٛلْ: «غٛطّٛ جُبِ نغٜسَ عِنَبٛوجٜ، عٛحَلْڢِنِ کَ رٜمٛوࢡٜ، عٛدِلِّ جَحَانغَلْ، عٛدُورِ#عٜسَايَ 5:9؞؞ 10ندٜ سَاعِ تٜࢡُغٛ عِنَبٛوجٜ وَطِ، عٛنٜلِ جَغِّيطٛ مَاکٛ حَا رٜمٛوࢡٜ نغَمْ ࢡٜندٛکَّ مٛ غٜطَلْ مَاکٛ حَا عِنَبٛوجٜ؞ عَمَّا رٜمٛوࢡٜ تَݠِّ نٜلَاطٛ، ࢡٜلٛرْتِنِ طُمْ مٜىٰرٜ؞ 11جَوْمُ نغٜسَ عِنَبٛوجٜ نٜلِ جَغِّيطٛ مُمْ ڢٜىٰرٜ، ࢡٜتَݠِّمٛ بٛو، ࢡٜلٛرْتِنِمٛ مٜىٰرٜ؞ 12عٛنٜلِ تَتَࢡٛ ڢَحِنْ، ࢡٜنَاوْنِ طُمْ، ࢡٜندِيوِ طُمْ؞ 13جَوْمُ نغٜسَ عِنَبٛوجٜ وِعِ: کٛ مبَطَنْمِ؟ مِنٜلَنْ ࢡِطّٛ عَمْ غِطَاطٛ، کَنغْکٛ کَمْ ࢡٜتٜدِّنَنْ مٛ! 14عَمَّا ندٜ رٜمٛوࢡٜ نغِعِمٛ، ࢡٜشَرْوٛوتِرِ، ࢡٜمبِعِ: ندَا دٛنٛووٛ، مبَرٜنْ مٛ نغَمْ حَا نغٜسَ لَاتَنٛ عٜنْ؞ 15ࢡٜندَسِمٛ يَاسِ نغٜسَ، ࢡٜمبَرِمٛ؞
«طُمٜ جَوْمُ نغٜسَ عِنَبٛوجٜ تَمِّ وَطَنْغٛ ࢡٜ؟ 16عٛوَرَنْ، عٛحَلْکَنْ رٜمٛوࢡٜ ࢡٜعٜ، عٛحٛکَّنْ وٛطْࢡٜ نغٜسَ مَنْ؞» ندٜ يِمْࢡٜ نَنِ طُمْ، ࢡٜمبِعِ: «طٛ کَمْ وَطَتَاکٛ!» 17عَمَّا عِيسَى سُتِ ࢡٜ، وِعِ: «طُمٜ بِنْدَاطُمْ طُعُمْ يِطِ وِعْغٛ؟
حَيْرٜ ندٜ مَحٛوࢡٜ نغُدِنِ،
لَاتِ حَيْرٜ تَلْکُمٛورٜ ࢡُرْندٜ سَمَنْ#جَبُورَ 118:22؞؞
18«کٛو مٛيْ دٛعِّ دٛوْ حَيْرٜ ندٜعٜ، سَمْݠِتِتّٛ؞ تٛ ندٜ دٛعِّ دٛوْ غٛطّٛ بٛو، ندٜ نَمَنْ مٛ؞»
جٛمٛرْغٛلْ نغَمْ لَامِيطٛ رٛمَ
(مَتَّ 22:15-22؛ مَرْکُسْ 12:13-17)
19مٛودِࢡّٜ تَوْرٜىٰتَ عٜ مَوْࢡٜ ڢَرِسَعٜنْ تٜڢِ نَنغُغٛ عِيسَى سَاعِ مَنْ ندٜنْ، عَمَّا ࢡٜکُلِ يِمْࢡٜ، ࢡٜݠَامِ دٛوْ مَࢡّٜ عٛوٛلْوِ بَلْندٛلْ نغٛعٛلْ؞ 20ࢡٜݠُطِّ عَيْنُغٛ عِيسَى، ࢡٜنٜلِ حٛرٛوࢡٜ؞ يِمْࢡٜ مَنْ مبَطِ کٛعٜ مَࢡّٜ بَنَ ࢡٜ يِمْࢡٜ عَدِلِعٜنْ، نغَمْ ࢡٜنَنغِرَ عِيسَى ندٜرْ بٛلّٜ مَاکٛ نغَمْ ࢡٜکٜࢡَ حٛکُّغٛ مٛ حَا حِيتٛوࢡٜ عٜ يِمْࢡٜ مَرْࢡٜ بَاوْطٜ نغٛمْنَتِ؞ 21ࢡٜࢨَمِمٛ: «مٛودِبّٛ، مِنْ عَنْدِ کٛ مبٛلْوَتَ عٜ کٛ عَعٜکِّتِنْتَ طُمْ غٛونغَ؞ عَسٜنْدِندِرْتَا يِمْࢡٜ، عَطٛنْ عٜکِّتِنَ لَاوٛلْ اَللَّه بٜى غٛونغَ؞ 22کَاندُطُمْ مِنْ ندٛکَّ لَامِيطٛ رٛمَ جٛمٛرْغٛلْ نَا مَلَّ تَا مِنْ ندٛکَّ؟» 23عِيسَى عَنْدِتِ ڢَاسِکَارٜ مَࢡّٜ، عٛوِعِ ࢡٜ: 24«کٛلّٜىٰطَمْ سُلٜيْرٜ؞ سُورَ مٛيْ عٜ عِنْدٜ مٛيْ طٛ؟» ࢡٜنجَابِ: «کَيْسَرَ، لَامِيطٛ رٛمَ جٜيِ؞» 25عٛوِعِ ࢡٜ: «ندٜنْ کَمْ نجٛࢡٜ کَيْسَرَ کٛ حَانَنِمٛ، ندٛکّٜ اَللَّه بٛو کٛ حَانَنِ اَللَّه؞» 26ࢡٜکٜࢡَايْ نَنغِرْغٛ مٛ يٜىٰسٛ يِمْࢡٜ ندٜرْ بٛلّٜ مَاکٛ؞ عَمَّا ࢡٜکَيْطِنِ نغَمْ جَاوَابُ مَاکٛ، ࢡٜنجٜىٰطِ؞
ࢨَمٛلْ دٛوْ عُمِّتِنٜىٰکِ مَايْࢡٜ
(مَتَّ 22:23-33؛ مَرْکُسْ 12:18-27)
27سَدُکِعٜنْ وٛطْࢡٜ ࢡَدِتِ عِيسَى؞ کَمْࢡٜ نغٛنِ وِعَنْࢡٜ مَايْࢡٜ عُمِّتِتَّاکٛ؞ ࢡٜࢨَمِ عِيسَى ࢨَمٛلْ نغٛعٛلْ#کُوطٜ نٜلَاࢡٜ 23:8؞: 28«مٛودِبّٛ، مُوسَى وِنْدَنِ عٜنْ عُمْرٛورٜ ندٜعٜ: تٛ غٛطّٛ مَايِ، عَشِّ دٜبّٛ بِلَا ࢡِنغٜلْ، سٜيْ دٜىٰرْطِيکٛ تٜعَ دٜبّٛ مَنْ، حٜࢡَنَ مَايْطٛ دَࢩْغٛلْ#تٛوکْتَاکِ تَوْرٜىٰتَ 25:5؞؞ 29وٛودِنٛ دٜىٰرْطِرَاࢡٜ نجٛوٜىٰطِطٛ؞ عَرَنٛ تٜعِ دٜبّٛ، مَايِ بِلَا ࢡِنغٜلْ؞ 30طِطَࢡٛ تٜعِ دٜبّٛ غٛ، 31نٛنْ بٛو بٜى تَتَࢡٛ؞ طُمْ لَاتِ بَنَ نٛنْ حَا نجٛوٜىٰطِطٛ ڢُو مَايْدِ بِلَا حٜࢡُغٛ ࢡِنغٜلْ؞ 32رَغَرٜ مَنْ بٛو دٜبّٛ مَايِ؞ 33کَدِ ࢩَنْدٜ عُمِّتِنٜىٰکِ مَايْࢡٜ کَمْ، عٛلَاتٛتٛ دٜبّٛ مٛيْ شَکَ مَࢡّٜ؟ نغَمْ نجٛوٜىٰطِطٛ ڢُو تٜعِنٛ مٛ؞»
34عِيسَى جَابِ ࢡٜ: «يِمْࢡٜ زَمَنُورُ ندُعُ طٛنْ تٜعِنْدِرَ؞ 35عَمَّا حٜعِيࢡٜ حٜࢡُغٛ غٜطَلْ حَا زَمَنُورُ وَرَنْدُ عٜ حَا عُمِّتِنٜىٰکِ مَايْࢡٜ، ࢡٜتٜعِندِرْتَا؞ 36نغَمْ ࢡٜمَايَتَا ڢَحِنْ؞ ࢡٜنَنْدِ بٜى مَلَاعِکَعٜنْ، ࢡٜلَاتَکٜ ࢡِࢡّٜ اَللَّه نغَمْ عٛعُمِّتِنِ ࢡٜ دِغَ مَايْدٜ؞ 37مُوسَى وِعِ لَاࢡْطُمْ مَايْࢡٜ عُمِّتِتّٛ بٜى يٛنغْکِ ندٜرْ عَايَاجٜ کٛ وِنْدَ دٛوْ حَالَ وُمْرٜ، ندٜ عٛوِعِ جَوْمِرَاوٛ عٛ اَللَّه إِبْرَاهِيمَ، عٛ اَللَّه إِسْحَاقَ عٜ عٛ اَللَّه يَعْقُوبُ#غُرْتَاکِ 3:6؞؞ 38اَللَّه لَاتَاکِ اَللَّه مَايْࢡٜ، عَمَّا عٛ اَللَّه يٜىٰطْࢡٜ، نغَمْ يِمْࢡٜ ڢُو طٛنْ نغٜىٰطَ ڢٛدّٜ مَاکٛ؞» 39وٛطْࢡٜ حَا مٛودِࢡّٜ، مبِعِ: «مٛودِبّٛ، عَوٛلْوِ بٛوطُّمْ؞» 40ࢡٜکُلِ ࢨَمُغٛ مٛ ࢨَمٛلْ غٛطْنغٛلْ؞
اَلْمَسِيحُ عٛ مٛيْ؟
(مَتَّ 22:41-46؛ مَرْکُسْ 12:35-37)
41عِيسَى وِعِ ࢡٜ: «نٛيْ ࢡٜمبِعْرَتَ اَلْمَسِيحُ عٛ ࢡِي دَاوُدَ؟ 42نغَمْ دَاوُدَ بٜى حٛورٜ مُوطُمْ وِعِ ندٜرْ دٜڢْتٜرٜ جَبُورَ:
جَوْمِرَاوٛ وٛلْوَنِ جَوْمَمْ:
جٛوطَ حَا ࢩَامٛ عَمْ،
43حَا تٛ مِلَاتِنِ کٛنّٜعٜنْ مَ جَاࢡْرُطُمْ کٛسْطٜ مَ#جَبُورَ 110:1؞؞
44دَاوُدَ عٜوْنِمٛ جَوْمِرَاوٛ، کَدِ نٛيْ اَلْمَسِيحُ لَاتٛرِ ࢡِيِيکٛ؟»
ڢٜلٛورٜ دٛوْ حَالَ مٛودِࢡّٜ تَوْرٜىٰتَ
(مَتَّ 23:1-36؛ مَرْکُسْ 12:38-40)
45عِيسَى وٛلْوَنِ ݠُکَرَعٜنْ مُوطُمْ يٜىٰسٛ نَنَنْࢡٜ مٛ ڢُو، عٛوِعِ: 46«ندٜىٰنْتٜ عٜ مٛودِࢡّٜ تَوْرٜىٰتَ، يِطْࢡٜ وَانْشُغٛ بٜى نغَݠَلٜىٰجِ جُوتْطِ؞ ࢡٜنغِطِ يِمْࢡٜ کٛوڢْنَ ࢡٜ حَا لُوࢡٜ؞ حَا جٛولٜ تٜدُّطٜ ࢡٜنغِطِ جٛوطَاغٛ ندٜرْ شُوطِ دٜوَلْ عٜ تٛ ࢡٜعٜوْنَکٜ ࢡٜ نغَمْ ࢩَامْدُ بٛو، ࢡٜطَࢡِّتَنْ جٛولٜ شَمْطِنَاطٜ؞ 47ࢡٜطٛنْ نجَࢡْتَ مَرْلٜ رٜوْࢡٜ يُرُمْࢡٜ، ࢡٜطٛنْ نجُوتِنَ دٛعَارٜ نغَمْ يِمْࢡٜ نغِعَ ࢡٜ؞ ࢡٜکٜࢡَنْ کِيتَ نَاوْکَ مَسِنْ؞»
Nke Ahọpụtara Ugbu A:
لُکَ 20: داَ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Fulfulde Bible Ajamiya © Bible Society of Cameroon, 2016.