Sam 14
14
Loklok Kakapmek At Limixin
1Luvuttadi loklok papavas di tong i xeretna do, “Kopmen to Moroa.” Nedi axap na limixin, loklok atdi itpospa aleng, la dik lok levempanga i lok pis aleng; kopmen tara rinotno nak lok levempanga ik mokso.
2Leeme Silok ik milik si boro vana at lebelen laxalibet, la i reven limixin axap, do ni naba epovo ri ven kaka taradi leklen la tara bok i lotu saparav i. 3Ketla nedi axap digara oon soogong pam; lorooro atnedi axap ira mau axap pam. Kopmen tara atdi na lok tavanga ik mokso, kopmen tinotno mo tegesera bok mene nga.
4Leeme Silok i sue xeretna, “Kopmen dinaklen leventaangas nunuan? Kereva, nedi axap na dik lok laxakapmek, kopmen takleklen atdi? Dip kip pilo amisik limixin tarak, la kopmen tinotno dina ngising tia.”
5Ketla melemu dinaba lingun aleng, atla ne Moroa i nemen eburu minedi limixin di mumu asu levelinga ren. 6Nedi dik lox aekarakat levempanga luvuttadi banbalo di vara i do dina lox i; ketla Leeme Silok nabak lok see atdi.
7A vara rinotno i do ne Moroa na riki tara boro Saion kusu na lox asepsu limixin me Israel basinge limixin munepen atdi, la limixin me Israel diba lok momo dola Leeme Silok na lox asang kobot amu manga di.
Nke Ahọpụtara Ugbu A:
Sam 14: mmx
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2011, Wycliffe Bible Translators, Inc. All rights reserved.