Amaokwu Akwụkwọ Nsọ Ndị Ama Ama siteré na Matyu 27

Kesaa

Onaqa Yesus a tulaŋ koba leleŋosiq marej, “Eloi, Eloi, lema sabaktani?” Di Hibru anjam. Anjam di aqa damu, “O ijo Qotei, O ijo Qotei. Ni kiyaqa e qoreibonum?”

Onaqa bati qujai deqa gara kobaquja atra tal miligiq di gaiŋesoqnej qaji a goge na braŋosiq aisiq poaiyelej. Onaqa mimiŋ kobaquja dego dosiq mandam reŋgiŋyonaqa meniŋ kokba paraparaeleŋeb. Onaqa bati deqa Qotei aqa segi tamo uŋgasari gargekoba nami moreŋeb qaji naŋgo sub waqeleŋonabqa naŋgi olo subq na tigeleb. Ariya bunuqna Yesus a dego subq na tigelonaqa tamo uŋgasari naŋgi di Qotei aqa qure koba miligiq gilnabqa tamo uŋgasari gargekoba naŋgi na unjreb.

Naŋgi degsib marsib tariŋosi sonabqa Yesus a olo tulaŋ koba leleŋosiqa mondor titosiq aqa ŋambile uratosiq moiej.

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Ariya qanam jige seŋ bati 12 onaqa sawa kalil tulaŋ ambruosi sonaq gilsiq seŋ bati 3 onaq bilaqtej.

Onaqa Pailat na olo minjrej, “E na niŋgi Barabas eŋgwajqa merbonub. Deqa e Yesus kieryqai? Agi niŋgi a qa mareqnub. ‘A Kristus.’” Onaqa naŋgi kalil murqumyosib minjeb, “Ni Yesus osim ŋamburbasq di qame.” Onaqa minjrej, “Kiyaqa Yesus qalit moiqas? A une kie yqo deqa a ŋamburbasq di qamqai?” Degsi minjrnaqa naŋgi olo tulaŋ koba murqumyoqnsib waiŋyoqnsib minjoqneb, “Ni a ŋamburbasq di qame.”