Amaokwu Akwụkwọ Nsọ Ndị Ama Ama siteré na Matyu 24

Kesaa

Kumbra uge deqaji tulaŋ kobaoqnimqa tamo gargekoba naŋgi qalaqalaiyo kumbra uratqab. Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei a naŋgi oqas.

Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Ariya diŋo bati jojomoqnimqa niŋgi anjam endegsib quoqnqab, ‘Sawa bei beiq dia naŋgi aŋ na qotokobaiyeqnub.’ Ariya niŋgi anjam di qusibqa niŋgi deqa tulaŋ prugaib. Qotei a nami marej, ‘Kumbra di brantqas.’ Deqa branteme. Ariya kumbra di brantimqa diŋo bati urur brantqasai. Soboleiyosim brantqas.

Bati deqa sawa bei ti sawa bei ti qoto tigeloqnsibqa segi segi qoto itnjroqnqab. Mandor kokba qudei naŋgi dego qoto tigeloqnsibqa mandor kokba qudei naŋgi qoto itnjroqnqab. Sawa bei beiq dia mimiŋ kokba ti mam ti iŋgi saio bati dego branteleŋqas. Kumbra kalil di uŋa aŋgrotqa osiqa mati jaqatiŋ kiñala eqnu dego kere.

Laŋ ti mandam ti koboqab. Ariya ijo anjam koboqa keresai.”

Bunuqna gisa gisaŋ tamo gargekoba naŋgi ijo ñam na boqnsib tamo uŋgasari naŋgi minjroqnqab, ‘E Kristus.’ Degsib tamo uŋgasari tulaŋ gargekoba naŋgi gisaŋnjroqnqab.

“Bati deqa naŋgi na niŋgi ojsib jaqatiŋ ti gulube ti eŋgwab. Osib niŋgi luŋgsib moiotŋgwab. Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas. Bati deqa tamo uŋgasari gargekoba e qa naŋgo areqalo siŋgilato qaji naŋgi ijo ñam ulontosib naŋgi segi segi jeu sosibqa naŋgo segi was naŋgi ojeleŋoqnsib tamo uge naŋgo baŋq di atoqnqab. Gisaŋ tamo tulaŋ gargekoba naŋgi dego boqnsib tamo uŋgasari naŋgi endegsib minjroqnqab, ‘E Qotei aqa medabu o qaji tamo bole.’ Degsib naŋgi gisaŋnjroqnqab.

Onaqa Yesus na kamba minjrej, “Niŋgi geregere ŋam atsib soqniye. Tamo qudei naŋgi na niŋgi gisaŋgo uge.

Dego kere e Tamo Aŋgro ijo bqajqa bati niŋgi qaliesai. E bosiy niŋgi pruqtŋgaim deqa niŋgi geregere ŋam atsib e qa tariŋosib soqniye.”

E nuŋgo Tamo Koba. E bati gembu bqajqa di niŋgi qaliesai.

Osiqa Yesus a olo anjam endegsi minjrej, “Ijo bqajqa bati tamo qujai bei qaliesai. Laŋ aŋgro naŋgi qaliesai. E Qotei aqa Ŋiri e segi dego qaliesai. Ijo Abu a segi qalie.

Di kiyaqa? Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Noa aqa bati qa tamo uŋgasari naŋgi kumbra yoqneb dego kere e Tamo Aŋgro bqajqa bati qa naŋgi kumbra degyoqnqab. Agi Noa aqa bati qa mandam ya maqosaisonaqa tamo naŋgi iŋgi uyoqnsib ya uyoqnsib uŋa baŋ ojeleŋoqnsib sonabqa Noa a qobuŋ miligiq gilej. Mandam ya maqosim naŋgi padaltnjrqajqa di naŋgi qaliesai. Naŋgi laŋa nanari sonabqa mandam ya maqosiq naŋgi kalil padaltnjrej. Dego kere e Tamo Aŋgro bqajqa bati qa tamo uŋgasari naŋgi nanari degsib sqab.