Amaokwu Akwụkwọ Nsọ Ndị Ama Ama siteré na Yoˇhanˬ li‸ 10

Kesaa

Chaw hkʼawˇ lehˬ, hkʼawˇ yuˬ tuˬ, tiˇ pehˍ tuˬ leh, te luˬ tuˬ awˬ pon ceh laˬ ve yoˬ. Ngaˬ lehˬ, yawˬ teˇ hpaˍ a sha‸ gʼa te‸ tuˬ ve awˬ hkʼoˆ ka‸, a sha‸ te‸ ve oˇ ve hta‸ caˉ da‸ ve awˬ ceuˬ hkʼa biˇ gʼa tuˬ awˬ pon ngaˬ laˬ ve yoˬ.

Ngaˬ lehˬ da‸ ve yawˬ hawˉ shehˍ hpaˇ hpeh‸ ve yoˬ. Da‸ ve yawˬ hawˉ shehˍ hpaˇ lehˬ, yawˬ teˇ hpaˍ awˬ pon yawˇ ve a sha‸ hta‸ tanˇ piˇ ve yoˬ.

Ngaˬ ve yawˬ teˇ hpaˍ lehˬ, ngaˬ ve tawˇ hkawˇ hta‸ na yuˬ ve yoˬ. Yawˬ oˇ ve teˇ hpaˍ hta‸ ngaˬ shiˍ leh, yawˇ hui ngaˬ awˬ hkʼaˇ suh laˬ ve yoˬ.

Ngaˬ yawˇ hui hta‸ co ti‸ ha ti‸ piˇ leh, yawˇ hui hkʼaˬ htaˆ ka‸ maˇ gʼa luˬ maˇ gʼa sheˆ. A shu ka‸ ngaˬ ve la‸ sheh awˬ hkʼaw lo yawˇ hui hta‸ lu yuˬ maˇ gʼa.

Ngaˬ lehˬ, yehˬmiˉhpe‸ yoˬ. Ngaˬ awˬ hkʼaw lo lo‸ la ve chaw lehˬ, htaiˍ hkʼaw‸ ve hta‸ gʼa tuˬ yoˬ. Yawˇ lehˬ, tawˆ tawˆ lo‸ lo‸ te leh, kʼaˆ caˇ kuiˬ hta‸ gʼa mawˬ tuˬ yoˬ.

Ngaˬ lehˬ da‸ ve yawˬ hawˉ shehˍ hpaˇ yoˬ. Awˬ pa ngaˬ hta‸ shiˍ leh, ngaˬ htawˇ Awˬ pa hta‸ shiˍ ve hkʼa shuˍ shuˍ, ngaˬ ve yawˬ teˇ hpaˍ hta‸ ngaˬ shiˍ leh, ngaˬ ve yawˬ teˇ hpaˍ htawˇ ngaˬ hta‸ shiˍ ve yoˬ.

Yawˬ oˇ ve teˇ hpaˍ hta‸ ngaˬ ve la‸ sheh awˬ hkʼaw lo chiˇ a‸ laˇ shehˍ hpaˇ ngaˬ ve Awˬ pa lehˬ, hkʼa peu-eˬ awˬ hkʼoˆ uiˍ ve yoˬ. A shu ka‸ Awˬ pa ve la‸ sheh awˬ hkʼaw lo yawˬ oˇ ve teˇ hpaˍ hta‸ lu yuˬ maˇ gʼa. Awˬ pa ngaˬ huiˉ maˬ teˇ gʼaˇ tiˉ hpeh‸ ve yoˬ teh‸, yawˇ yawˇ hui hta‸ kʼoˆ piˇ ve yoˬ.

Ngaˬ lehˬ yawˬ teˇ hpaˍ awˬ pon ngaˬ ve a sha‸ hta‸ tanˇ ve yoˬ.

Ngaˬ ve a sha‸ hta‸ chaw teˇ gʼaˇ ka‸ maˇ hiˉ yuˬ maˇ lu yuˬ. Ngaˬ hkʼaˇ ngaˬ tanˇ piˇ ve yoˬ. Ngaˬ ve a sha‸ hta‸ tanˇ piˇ tuˬ ve kanˇ paˆ leh, kʼaw‸ yuˬ hkʼaw‸ tuˬ ve kanˇ paˆ ngaˬ geh cawˬ ve yoˬ. Chi hkʼe te tuˬ, Awˬ pa ngaˬ hta‸ tawˇ pe‸ laˇ peuˬ teh‸, yawˇ hui hta‸ kʼoˆ piˇ ve yoˬ.

Hkʼe te leh, Yeˍsuˆ teˇ pawˆ kʼaw‸ kʼoˆ ve, Ngaˬ nawˬ hui hta‸ awˬ tehˬ awˬ na kʼoˆ laˇ ve, ngaˬ lehˬ yawˬ teˇ hpaˍ lo‸ la tuˬ ve yehˬmiˉhpe‸ yoˬ.

Ya‸ hkʼaˇ, gʼaˇ hpfuhˇ caˇ shehˍ hpaˇ lehˬ, yawˬ hawˉ shehˍ hpaˇ maˇ heˆ leh, yawˬ teˇ hpaˍ yawˇ ve maˇ heˆ ve pa taw, veˬ laˬ ve hta‸ yawˇ gʼa mawˬ ve teˇ yanˇ, yawˬ teˇ hpaˍ hta‸ baˬ taˉ leh hpaw-e ve yoˬ. Veˬ oˇ ve lehˬ, yawˬ teˇ hpaˍ hta‸ che‸ leh hpaˆ da‸ piˇ lawˬ ve yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, yawˬ hkawˆ awˬ hkʼaw lo lo‸ la htaˇ, yehˬmiˉhpe‸ lo maˇ lo‸ la leh awˬ kaˍ awˬ nu teˇ hkʼaˇ lo ca taˆ lo‸ la ve chaw teˇ gʼaˇ lehˬ, chaw hkʼawˇ chaw naˆ hpeh‸ ve yoˬ.