Amaokwu Akwụkwọ Nsọ Ndị Ama Ama siteré na Génesis 37

Kesaa

At jun maj oc jun twitzic' José ex xi tma'n cye ttzic. Atzun cye, mas el ic'un José cyu'n.

Mas o c'ujlanjtz José tu'n Israel cywitz ke txkantl tcy'ajal, tu'nju ul itz'j cu'xun lu tuj ttijil, ex o bant jun t-ẍjo'w tbanilxix tu'n.

Tejtzun tel cynic' ke ttzic José ti'j, mas c'ujla'ntok José tu'n cyman, el cyic'un ex minti' e yolin te tuj cheba.

Te tibajxi oc juntl twitzic' José, ax icx xi ttx'olba'n cye ttzic ex xi tma'n cye cyja': —Cybintze juntl nwitzic'e o tz'oc: Lu k'ij tuc'ix xjaw ex junlaj che'w in che cub moc'e'tok nwitze, chi José.

Ke ttzic José tzaj tlo'ch cyc'u'j ti'j, atzunte tman oc ten ximal ti'j jlu.

Xi tma'n cye cyja': —Cybintze aju nwitzic'e o tz'oc: Lu ko in ko c'alo'ntok junjun che'l triw tuj cojbil. Aju weye che'l ntriw jaw we' tu'nx tib ex ax cyaj we'. Atzun cyeye che'l cytriw baj cytxolban cyib ti'jele weye, ex e cub moc'e' twitz weye, chi José.

Cytzaje, e tcub kbyon, e tcu'x kxo'n tuj jul, ex jacu txi kma'n te kman cyja': Jun txcup mya ba'n ma cub byonte te, ko chi cxel kma'n. Kila'tzun ka che japunel ke twitzic', che chi.

ex tej cyul canun ke comersyant aj Madián, akeju aj Ismael juntl cybi, jatz k'i'n José cyu'n terman tuj jul, xi cyc'ayin cye, ex o cyc'am winkin sak pwak twi'. Xitzun k'i'n José tuj Ejipt.

Cymatzun cyxolx cyja': —Cyque'yinxe, lu witzcy'al tzul.

Ilwaj José cyu'n najchak, cyja' ttzaj. Tej na'nxtok tcanun José cyuc'il, bant ti'j cyu'n tu'n tcub cybyo'n.

Mi'n tz'el cyi'ne tchc'el. Cyk'on cu'xe tuj jul lu, aju at tuj tzkij tx'otx', ex mi'n tz'oc cyk'o'n cyk'abe ti'j tu'n tcub cybyo'ne, chi Rubén. Tma Rubén icju tu'nju tajbiltok tu'n tclet José ex tu'n taj t-sama'n tuc'il tman.