Amaokwu Akwụkwọ Nsọ Ndị Ama Ama siteré na ဒေါ ဂုဝ် 7

Kesaa

ဒါ အာနုဝ် ဟဲ့ ဟွတ့် ဘူင် ရိုဝ် ဆင်ဖုဝ် တီ၊ ဇဝ်ဖြာ ဝီ တဝ်း ဒီ အန်၊ “တဲး မဲ ဟာဝ် လိုပ် ခဲင် ရိုဝ် ဆင်ဖုဝ်။ ဘော မဲ ဘော န့ဟူမ် မဲ၊ တဲး ဘေ ဟာဝ် လိုပ် တူတ့်။ ခဲ့ မိုဝ်း ဂေ ဒူအီ၊ အုဝ် ဇဝ်ဖြာ ဟဲ့ ယိုဝ် မီ မဲ အူ ဝီ အီ ဟဲ့ မိုဝ်း နဝ်း ဆိူဝ် နဝ်း မှာန်။

န့ ဟဲ့ ဂိတ် မီ အာနုဝ် ဘော ဂေ အီ ကွယ် ရိုမ် ဒူပ် အန် ခဲင် ရိုဝ် ဆင်ဖုဝ်။ အိုမ် တာင် ဟဲ့ ပုန် ကာဒါယ် အာဒါ အူ မာယဝ်း ဒီ ဖန် ဂိုဝ် ဆီငဲ။

ဒေါ အန် တီ အာဆာက် အာနုဝ် ဟဲ့ နုဝ့် ဒဝ် မာယဝ်း ဆီနမ် ဒီ အာ မာဂျီန် ဒီ ဂိုဝ် ဒီ ဘူ ဆီငဲ။ ဆီငဲ အန် တီ အိုမ် ဘော တုဝ်း ဒွန် ပ့လုဝ့် ဒွန် နာ၊ ဝီ ယိုင် ဟုဝ့် အူ ဇေန့်။ ဘ့လေန့် မိူဝ် ဟဲ့ ဝိုဝ်း အူ ဇေန့်။

ပါယ် တီ ဇဝ်ဖြာ ဟဲ့ ပျာတ့် ဝဲန် တူတ့် ဒွန် မျုဝ် အီ ကွယ် ဒဲင် ကာဒါယ်။ ဘော ဒူအီ၊ ဘော ဒုဝ် ဆတ်ဒါဝါ အီ ကွယ် ဒဲင် ကာဒါယ်၊ ဘော မာဆိမ် အီ ကွယ် ခဲင် ဘ့လေန့်၊ အန် ဇဝ် ဟဲ့ ပျာတ့် ဝဲန် တူတ့် ဒွန် မျုဝ်။

ဂ့လာယ် မိူဝ် စုဝ်း လူင် ဒဲင် ကာဒါယ် အာဒါ ဖွုန် ဂိုဝ် ဆီငဲ ဒီ ဖွုန် ဂိုဝ် မှိုဝ်။