Amaokwu Akwụkwọ Nsọ Ndị Ama Ama siteré na Luka 6

Kesaa

Wahaweni wandu, nenyo mujehawo, kipimo chaloli chisindililo, chishegheshogho na chitikatikagha mbali, mjehawo mikonuni kwenyu. Kwani kipimo mupimagha nicho chenyi mujepimilo.”

Mundu waloli kele uloli ghwake wafunya ghaloli gheo ngoloni kwake, na mundu wa laghelaghe kwa ulaghelaghe ghwake wafunya ulaghelaghe ghujule ngoloni kwake. Kwani mulomu ghwaghora agha gheo ngoloni kwake.

Ela washaeni wamaiza wenyu, na muwadeile kirani, kopesheni na simwakoseree kuujisilo, nenyo mjepata manosi mabwaa mlunguni, na mujekala wana wa Mlungu wa Ighulu. Kwani ni waloli kwa awa siweo na asanta na walaghelaghe.

Kaleni na mbazi selyi Tatio wenyu ewo na mbazi.

“Simwataghanye wambenyu, nenyo simwejetaghanyo, simwamenyese, nenyo simojemenyeso, fwileni waya, nenyo mujefwilo waya.

“Ela namuza inyo munisikizilagha: Washaeni wamaiza wenyu; wadeileni kirani awa wemumenyagha. Wabarikieni awa wamwanyizagha, walombeleni awa wemutukanagha.

Wadeileni wandu wazima selyi mushaile wamudeile inyo.

Ngera mundungi akubahala idumbu, mghalulile lyilya idumbu imoju na lyose. Naye mundu kakusoka ikoti lyako, muhawe shati yako nayose. Mhawe kila mundu ekulombagha na uyo wose eusagha vindu vako swalombe akuujile sena.

“Mwiti ghwaloli sighudimagha kuvala mavalo ghawase, hata mwiti ghuwase sighudimagha kuvala mavalo ghaloli.

Kwani kila mwiti ghwanamanyikanagha kwa mavalo ghake; simudimagha kuwaha tini kele miya hata zabibu kele mundalendale.