Amaokwu Akwụkwọ Nsọ Ndị Ama Ama siteré na Maraco 5

Kesaa

Nazapa Zeso poniza uati tarrari: —Rrehe asi, ouaza tibodi: “Rrehe, Zeso oua tonanomiuiuarrine parrireui” tezape narrarorrine ticca zamacomape toccapa. Ticcanizape ticappina terrerana. Narraro comaniza quiza tapoma-rreranitoui −narrari.

Madirra bazima rraui torrauiza naqui amonerre coma tarraro touanarraro. Ponipe zamacoma oni amauissoranarra carrirraro. Poni coma tanicca uarranopa 12 naraha ama rricaquera tanicca totonauana zanaporraro. Coma teza toponi totonanomidedeniuarri ponima totocca neraha tonomi-rrerarraro. Denima coma zanaporraro. Toponi totonanomidedeniza poni manaconi carricarizarraro.

Nanerre amazati amani totapparraro. Nezape poni doroni comani tomossinicca nauato tarraro.

Nazapa Zesoa erredeni zapani equidiza poua attiza uati tarrari: —Tarita comi −narrari. (Narraro ettizape: —Erredeni, titemarri −narrari.)

Nauiza Zeso uati uati taraha, zodeodenicca Deo Atti mamariuarricca tamine pocca ozacca madirra bacco narronemanaza erredeni imehiza uati toquenarrari: —Zairo, ticca erredeni zoqqueni. Rridapanapa ia Maride ccarrona-rrarana. Zoqqueni. Peperri, poni −quenarrari. Nama quenaraha Zesopa Zairoza: —Tibodipe ticappina terrerana. Pina “Rrehe, poni tonominiuarrine” tana −naui nade Zeso atti.

Naraha Zesopa amazati poua bodiccaza uati tarrari: —Tocorime, narrari madirra tineborro! −narrari. Nazapa tocorime rrazirema uati tarrari: —Zeso nerrecotouira ticcarronarraronerre? Oua narrizode ticcarronarraroqui? Tiape Deo deni torrarraricca Erredeni tirrani. Deo onima oua tinarrizo terrerarri, onaua −narrari. Naraha Zesopa tocorimeza uati tapomarrari: —Tia onipe nerreco? −narrari. —Oua onipe Siba tani, tocorime uapi inani −naui nade.