Amaokwu Akwụkwọ Nsọ Ndị Ama Ama siteré na Maraco 2

Kesaa

Naraha Zeso pouadeni attideni mittaza manaco Zeso uati tarrari: —Nomiqquiri narraridenipa toponi totonanomide touini quena-rrararaha comaqquiri narraridenina toponi totonanomide touini quequenanarrari. Ouape pina toponi totonanomidessa onarraro. Madirradenicca uima Deoza tobicaniuarrine pouadeni accode occarronarrarode. Naraha madirrapa: “Iape bicaqquiri inani” quequenanarraridenicca uima onanabicaniuarrine occarrona-rrerarraro. Uimasiri totonanadedenicca uima onanabicaniuarrinena occarronarraro −naui nade Zeso.

Zeso pouatoui damamera taui qqui tazapa poua bodiza nauato tarrari: —Parrissa, Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari: —Otesse, arri uimasiri tinanarraro bazimape onanamossini. Rridapanape ticca uima Deoza tobicani −naui nade Zeso.

Naraha Zesopa denima pouadeniza uati uati zanaporrari: —Deo madirra inauatobaqquirraripa rrassinarracca uada madirra inaparriremananissa taniuarrine inauatobaqqui-rrararrari. Deopa rrassinarracca uada tauimarini uati taporraripa rrassinarracca uadape madirraza bica taniuarrinena uati taporrari −naui nade.

Naraha madirra siba tazapa Zeso bacco iquenauiuarrine parriremana-rraraza oza tetepiuarrina iaccamaromanarrari. Zeso uezaui tetepiza oza icataborrizemanarraro. Nauizana madirra isso siri torraui poua taboroza poriza oza bodiuarri tappa icanaronemanarrari.

Arri oua Madirra Bedi orrarrarope tiadeniza occa uima auato onanana. Madirracca uimasiri onanamossiniuarrine Deocca dacorehe ocarrini. Arri namiza naqui ouatti ocarrini nauatoqquiri tiquenaniuarrinepe coma tarrariza uati onana −narrari Zeso. Nazapa madirra isso siri torrauiza uati tarrari: —Tiaza uati oneza: Titemarri! Titaboro tidiza ticca ozauarri ticcanirri! −naui nade Zeso.

—Rrari, tibodideni uatome-manarri nerrecoma narraro uimana tiadeniza denima narrora tani? Arra madirra coma tarraricca uimasiri onanamossini narrora taqui? Coma tarrari onanabicauina denima narrora tarrarorane?

Nazapa totema, madirra bazima cattomama canaraha amazati poua taboro idi naza pocca ozauarri toccanirrari. Nazapa madirra bazima cappinemanaraha uatizemanazapa: —A, Deorrine bica tani! −quenarrari. —Nema nani qqui qqui inerreraccade −quenarrari.