Amaokwu Akwụkwọ Nsọ Ndị Ama Ama siteré na Aba Vatowo 8

Kesaa

E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe. Poyapoya ame ina kaiyaka madabokina goi bágula be dibayoya adi tuta, tula be yaviyavi adi tuta, losiye be kúwana adi tuta, maliyalina be sabamgo geya sikavaveta.’

E Nowa dídiya ikaudakodako, ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.

E Yaubada Nowa, woiwoi liliudi be yoguyogu liliudi inuwaisidi kidi dedeoga gagaina goi sikaaiyaka. Tuwo yágira ietune itowo, tauna bwae iyápasa, e isousou.

Ina go, lavilavi ikaluvilamna ima dedeoga goi go, vagana iikatupe. E vaganayana Nowa igite, bogina iyagoi bwae bogina isou gagaina.