Amaokwu Akwụkwọ Nsọ Ndị Ama Ama siteré na ራእዩ ለዮሐንስ 8

Kesaa

ወሶበ ፈትሐ ሳብዐ ማኅተመ አርመመ ኵሉ ዘበሰማይ ወዘበምድር እስከ መንፈቀ ሰዓት።

ወሶበ ጠቅዐ ቀዳማዊ መልአክ ኮነ በረድ ወእሳት ምስለ ደም ድሙር ወወረደ ውስተ ምድር ወውዕየ ሣልስተ እዴሃ ለምድር ወውዕዩ ኵሉ ዕፅ ወሣዕር ወሐመልማል።

ወሰማዕኩ አሐዱ ንስር ይሠርር ማእከለ ሰማይ ወምድር ወይብል በዐቢይ ቃል አሌ ሎሙ አሌ ሎሙ ለእለ ይነብሩ ዲበ ምድር እምነ ዘተርፈ ቃለ መጥቅዖሙ ለሠለስቱ መላእክት እለ ሀለዎሙ ይጥቅዑ።

ወሶበ ጠቅዐ ካልእ መልአክ ወረደ ውስተ ባሕር እሳት ዐቢይ ዘመጠነ ደብር እንዘ ይነድድ ወኮነ ደመ ሣልስተ እዴሃ ለባሕር።

ወሶበ ጠቅዐ ሣልስ መልአክ ወረደ እምሰማይ ኮከብ ዐቢይ እንዘ ይነድድ ከመ እሳት ወወረደ ውስተ ሣልስተ እዴሆሙ ለአፍላግ ወለአንቅዕተ ማያት። ወስሙ ለውእቱ ኮከብ ዕጉሥታር ወኮነ ዕጉሥታረ ሣልስተ እዴሆሙ ለማያት ምስለ ዐውሎ ወብዙኅ ሰብእ ዘሞተ እምነ ምረሮሙ ለማያት።

ወሶበ ጠቅዐ ራብዕ መልአክ ተቀሥፈት ፀሓይ ወጸልመ ሣልስተ እዴሃ ወሣልስተ እዴሃ ለወርኅ ወሣልስተ እዴሆሙ ለከዋክብት ከመ ኢያብርሁ ወሣልስተ እዴሆሙ ለዕለት ወለሌሊት።