Amaokwu Akwụkwọ Nsọ Ndị Ama Ama siteré na መልእክተ ጴጥሮስ 2 1

Kesaa

ዘበኀይለ መለኮቱ ወሀበ ለነ ኵሎ ምግባረ ዘይወስድ ኀበ ሕይወት ወጽድቅ ውእቱ ዘጸውዐነ ውስተ ስብሐቲሁ ወውስተ ሠናይቱ። በዘቦቱ ነሐዩ ወነዐቢ ወንከብር በተስፋሁ እንተ ጸገወነ ከመ በእንተ ዝንቱ ትኩኑ ሱቱፋነ ለመለኮተ ዚኣሁ እንዘ ትጐይይዋ ለፍትወተ ሙስናሁ ለዝንቱ ዓለም።

ወአንትሙኒ በኵሉ ጕጕኣ ገቢረክሙ አትልውዋ ለሠናይት በሃይማኖትክሙ ወበሠናይት ለአእምሮ። ወበአእምሮ ለኢዘምዎ ወበኢዘምዎ ለትዕግሥት ወበትዕግሥት ለአምልኮ። ወበአምልኮ ለተኣኅዎ ወበተኣኅዎ ለተፋቅሮ።

ወዝንቱ ኵሉ እምከመ ሀለወ ኀቤክሙ ኢኮንክሙ ፅሩዓነ ወኢኮንክሙ እለ እንበለ ፍሬ አላ ያበጽሐክሙ ውስተ አእምሮቱ ለእግዚእነ ኢየሱስ ክርስቶስ።

ወይእዜኒ አኀዊነ ጐጕኡ ከመ በጽንዐ ምግባሪክሙ ጽንዕተ ትኩን ጽዋዔክሙ ወታወፍዩ ሐሳበ ሃይማኖትክሙ ወዘንተ እንዘ ትገብሩ ኢትስሐቱ።