Amaokwu Akwụkwọ Nsọ Ndị Ama Ama siteré na लूका 17

Kesaa

तब यीसु ओसे कहिन, “उठिके चले जा; तोंहार हमरे ऊपर बिसुआस होंइ के कारन तूँ निकहा होइ गया हय।”

अगर तोंहार भाई दिन भरे माहीं सात बेरकी तोंहसे गलती करय, अउर सातव बेरकी तोंहरे लघे आइके कहय, “हम पचितइत हएन” अउर माफी माँगय, त ओही माफ करा।

तब उनमा से एकठे, इआ देखिके कि हम नीक होइ गएन हय, खुब चंडे से परमातिमा के बड़ाई करत लउटि आबा, अउर उआ सामरिया प्रदेस के रहँइ बाला मनई जउन नीक होइगा रहा हय, यीसु के गोड़न गिरिके धन्यबाद देंइ लाग

सतरक रहा; अगर तोंहार भाई कउनव गलती करय, त ओही समझाबा, अउर अगर उआ अपने गलती काहीं सोइकार कइके पचिताय, त ओही माफ करा।

तब यीसु ओसे कहिन, “का दसँव जने नहीं सुद्ध भें, त पुनि ऊँ नव जने कहाँ हें?

प्रभू उनसे कहिन, “अगर परमातिमा के ऊपर राई के दानव के बराबर तोंहार सच्चा बिसुआस होत, त तूँ पंचे इआ सहतूत के बिरबा से कह त्या, कि जर से उँखड़िके समुद्र माहीं लगि जा, त उआ तोंहार बात मान लेत।”

जे कोऊ आपन प्रान बचामँइ चाही, उआ ओही गमाय देई, अउर जे कोऊ हमरे खातिर आपन प्रान तक देंइ काहीं तइआर रही, उआ ओही बचाए पाई।

यीसु अपने चेलन से कहिन, मनइन काहीं पाप म गिरामँइ बाली चीज त रहतिन हईं, पय जउन मनई दुसरे मनइन काहीं पाप माहीं गिराबत हें, त उनहीं परमातिमा से खुब सजा मिली। जे कोऊ हमरे ऊपर बिसुआस करँइ बालेन काहीं, चाह उआ छोट क लड़िकय होय, उनसे पाप कराबत हय, त उआ मनई के खातिर इआ ठीक कहाई, कि एकठे बड़ी काहीं चक्की के जेतबा ओखे गरे माहीं बाँधिके, समुद्र माहीं फेंक दीन जाय, काहेकि परमातिमा के सजा एहू से जादा मिली।

जइसन नूह के दिनन माहीं भ रहा हय, उहयमेर मनई के लड़िका के आमँइ के समय माहीं होई। जउने दिन तक नूह जिहाज माहीं चढ़ नहीं गें, तब तक सगले मनई खात-पिअत रहे हँय, अउर ऊँ पंचे काज-बिआह करत रहे हँय, अउर उनखे जिहाज माहीं चढ़तय, जल-प्रलय आइके सब काहीं नास कइ दिहिस।