Amaokwu Akwụkwọ Nsọ Ndị Ama Ama siteré na Ioan 6

Kesaa

A’r Iesu a ddywedodd wrthynt, Myfi yw bara y bywyd. Yr hwn sydd yn dyfod attaf fi, ni newyna; a’r hwn sydd yn credu ynof fi, ni sycheda byth.

Yr yspryd yw yr hyn sydd yn bywhâu; y cnawd nid yw yn llesâu dim: y geiriau yr ydwyf fi yn eu llefaru wrthych, yspryd ydynt, a bywyd ydynt.

Llafuriwch nid am y bwyd a dderfydd, eithr am y bwyd a bery i fywyd tragywyddol, yr hwn a ddyry Mab y dyn i chwi: canys hwn a seliodd y Tad, ïe, Duw.

A hyn yw ewyllys yr hwn a’m hanfonodd i; cael o bob un a’r sydd yn gweled y Mab, ac yn credu ynddo ef, fywyd tragywyddol: a myfi a’i hadgyfodaf ef yn y dydd diweddaf.

Yr Iesu a attebodd ac a ddywedodd wrthynt, Hyn yw gwaith Duw, credu o honoch yn yr hwn a anfonodd ef.

Yr hyn oll y mae y Tad yn ei roddi i mi, a ddaw attaf fi: a’r hwn a ddêl attaf fi, ni’s bwriaf ef allan.

Yna Simon Pedr a’i hattebodd ef, O Arglwydd, at bwy yr awn ni? gennyt ti y mae geiriau bywyd tragywyddol.

Myfi yw y bara bywiol, yr hwn a ddaeth i wared o’r nef. Pwy bynnag a fytto o’r bara hwn, a fydd byw yn dragywydd. A’r bara a roddaf fi, yw fy nghnawd i, yr hwn a roddaf dros fywyd y byd.

Ni ddichon neb ddyfod attaf fi, oddi eithr i’r Tad, yr hwn a’m hanfonodd, ei dynnu ef: a myfi a’i hadgyfodaf ef y dydd diweddaf.

Canys bara Duw ydyw yr hwn sydd yn dyfod i wared o’r nef, ac yn rhoddi bywyd i’r byd.

Myfi yw bara y bywyd.

A’r Iesu a gymmerth y torthau, ac wedi iddo ddïolch, efe a’u rhannodd i’r disgyblion, a’r disgyblion i’r rhai oedd yn eistedd; felly hefyd o’r pysgod, cymmaint ag a fynnasent. Ac wedi eu digoni hwynt, efe a ddywedodd wrth ei ddisgyblion, Cesglwch y briw-fwyd gweddill, fel na choller dim.

Yna, wedi iddynt rwyfo ynghylch pump ar hugain neu ddeg ar hugain o ystadiau, hwy a welent yr Iesu yn rhodio ar y llyn, ac yn nesâu at y bâd; ac a ofnasant. Ond efe a ddywedodd wrthynt, Myfi yw; nac ofnwch.