Amaokwu Akwụkwọ Nsọ Ndị Ama Ama siteré na Jâan 3

Kesaa

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Ndjapä wân-âbo Modô ndə̂ yê atə̂ bêche âtə ndə̂kə̂ wa ngbanga lə̂ küma azü-a, praâbalë tche wän tchë ndə̂kə̂ pa azü tchêbêche tcha lə̂ köbosə̂ yê.

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, âdə a âkä zɨabô ngâ akrə zɨ̂ tə̂ täfo nə̈, tchê liabô lə̂ Gbölö gö-gbïɛ̈ ndə̂ Ndjapä tee-a.»

Akrə ndə̂ tche zâ su yê sə̈ Modô nə̈, ngbanga wâbo lə̂ küma yê-a. Praâbalë akrə ndə̂ tche zâbô su yê zâ sə̈ tchë, a wâ ngbanga lə̂ küma yê nə̂, bëte tche zâbo su yê sə̈ gbokôngô Modô ndə̂ Ndjapä-a.

Kə̂ wa ngbanga lə̂ küma azü nə̈ wä kâkë: Ngbänga nə̈ atə̂pâ cho âtə, praâbalë azü nyîâbo ndə̂ ngbänga nə̈-a. Andjë nyï kütû ndə̂ tchə̂lə̂ bütchî, bëte andjë mbö angbongbo rə.

Äwäpä tche wa gbölö, ânyë mëmê ndə̂ me nə̈, mê wa kpîɛ̂kpîɛ̂ rə̂.»

Bëte akrə ndə̂ tche mbô ngbongbo rə, tche kösə̂ ngbänga. Tche nə̂âbo pu ngbänga nə̂-a, bëte tche wä la wawa ndə̂kə̂ pa angbongbo rə ndə̂ yê wutuabô wûtu kraâ lə̂ la azü-î.

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Batə̂ rə̂ ndə̂ Möyîze î ɛ̈krʉ̂ bhâ lafô tə̂ yö bhâlə̂ kpaɛ̈gâ, käko äwäpä a i ndjë Modô ndə̂ akrə tə̂ yö bhâ lafô

Bha nyïndə̂ Modô ndə̂ yê, ânyë kə̈ gbôtə̂ rə gbɛ̂ ëtchânə̂ yê.