Amaokwu Akwụkwọ Nsọ Ndị Ama Ama siteré na Naanearü ügüchiga 15

Kesaa

Rü nüma ga Abráü̃ rü aixcüma nayaxõ ga yema Cori ya Tupanaarü ore, rü yemaca̱x nixĩ ga Tupana namaxã naxueguxü̃ nax aixcümacü yixĩxü̃.

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

Natürü nüma ga Tupana rü nanangãxü̃ rü ñanagürü: —Ngẽma tá cuwena nayaxuxü̃ i curü ngẽmaxü̃gü rü cunexüchi tá nixĩ rü tama wüxi i duü̃xü̃ i to i nachixü̃anecüã̱x ixĩxü̃ —ñanagürü.

Rü yexguma ga Cori ya Tupana rü ñanagürü nüxü̃: —Cumaxã nüxü̃ chixu rü ngẽma cutaagü rü to i nachixü̃anewa tá namaxẽ. Rü ngémacüã̱xgü rü tá norü puracütanüxü̃ nayaxĩgüxẽxẽ. Rü ngẽmaãcü tá chixri namaxã nachopetü i 400 ya taunecü.

Natürü ga Abráü̃ rü Cori ya Tupanaxü̃ nangãxü̃ rü ñanagürü nüxü̃: —¿Ta̱xacüwa choxü̃́ name i ngẽma ngü̃xẽxẽ i chomaxã nüxü̃ quixuxü̃? Erü meama nüxü̃ cucua̱x nax nataxuxü̃ma ya chaune. Rü ngẽmaca̱x i ngẽma tá chowena nayaxuxü̃ i chorü ngẽmaxü̃gü rü yimá chorü ngü̃xẽẽruxü̃ ya Eriéche ya Damácucüã̱x tá nixĩ —ñanagürü.

Tupana rü yematama ngunexü̃gu Abráü̃maxã inaxuneta rü ñanagürü nüxü̃: —Choma tá cutaagüna chanaxã i guxü̃ma i ñaa naane i Equítuanearü natüwa inaxügü rü ñu̱xmatáta ngẽma natü i Eufrátewa nangu.

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.