Amaokwu Akwụkwọ Nsọ Ndị Ama Ama siteré na Naanearü ügüchiga 12

Kesaa

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü. Rü mexü̃ namaxã tá chaxuegu i ngẽma duü̃xü̃gü i mexü̃ cumaxã uegugüxü̃. Rü chixexü̃ tá namaxã chaxuegu i ngẽma duü̃xü̃gü i chixexü̃ cumaxã uegugüxü̃. Rü cugagu tá nixĩ i mexü̃ namaxã chaxueguxü̃ i guxü̃ma i duü̃xü̃gü i ñoma i naanewa ngẽxmagüxü̃ —ñanagürü.

Rü wüxi ga ngunexü̃gu ga Cori ya Tupana rü Abráü̃xü̃ ñanagürü: —¡Ínaxũxũ nawa i ngẽma curü naane, rü ngéma nawogü i cutanüxü̃! ¡Rü ngéma nata̱x ya cunatüpata nax ngẽma naane i choma tá cuxü̃ chawéxü̃wa cuxũxü̃ca̱x!

Rü yemaacü ga nüma ga Abráü̃ rü ínaxũxũ ga Aráü̃wa, yema Cori ya Tupana namaxã nüxü̃ ixuxü̃ãcüma. Rü nüma rü nüxü̃́ nayexma ga 75 ga taunecü ga yexguma yema naanewa ínaxũxũxgu nax Canaáü̃anewa naxũxü̃ca̱x.

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.