Amaokwu Akwụkwọ Nsọ Ndị Ama Ama siteré na MATIUS 6

Kesaa

Inja mkosewar bepon Ḇaḇesasoser Allah ma napnapes ḇyedi, nari nakaem neḇeḇuk fnoḇek faro mko.

Inja mkomkakwarek awer meserdi, snar meserdi nya ananjar ḇardi. Ananjar ro ras-ras imnis faro ras ani.”

“Yakofen faro mko: Mkomkakwarek awer kankenem mkoḇena, nari rosai mkan roḇa mkinem, ma mkomkakwarek awer ḇaken mkoḇena kako, rosai nari mkofmar na. Mkofawiḇake kankenem ya isyadi ro roḇean ma ḇaken ya isyadi ro famamar?

Ḇape rofyor waḇe ḇenadi, swun randum ro sim bedi, ma kwen kedwai ya ma ḇenadi faro Kmami ro moḇ ḇeyokef. Ma Kma bedi bemam roi ḇeyokef na nari myunsu na faro au.

Inja mkoḇenadi radine: Kma nkobedi ro boiyaswa, Nkofasren Snomḇri kada, Ḇaḇesasoser Bedi ryama kada, Marisen bedi ryarirya kada Ro supswan ine imnis ro boiyaswa.

Buk maro nko ro ras ine roḇean namnis maro nko

ma Wapyos nyaki sasar nkoḇena, imnis nkakpyos nyaki sasar snonkaku ḇeḇesasar maro nko sya

ma Wun nkoḇe fafrowes na awer, mḇoi faspar nko bur Ibirisya. [Snar Au ḇena Ḇaḇesasoser ya ma papaik ya ma payamyum ya isof fyoro-fyoro. Amin.]

Snar rofyor mkopyos snonkaku sasar sena, Kma mkoḇedi ro boiyaswa Dakpyos sasar mkoḇena kako.

Mkomam faro man sya ro farsyos, ḇeyakḇuḇer morḇa ma ḇeyakufḇa ma ḇeyakryur roḇean ro sayarḇa, ḇesyaḇo Kma mkoḇedi ro boiyaswa ḇyuk roḇean ḇemnis faro si. Inja mkofawiḇake mko kada mkosyadi bur ro man sya?

“Mkosewar awer papus ro supswan ine; snar ro supswan ine nari snus ma praf nari nenafanamkok ma ḇekarau-rau sya simkok ma skarauna. Ḇape mkosewar faro mko papus ḇero boiyaswa; snar ro boiyaswa snus ma praf nenafanamkokḇa ma ḇekarau-rau sya sipok skakok na ma skarauna ḇa. Snar ro moḇ papus ḇena naisya roya, ro dia snembri isya kako.

Snonkaku oser ipok duf farmyan tuan risuruḇa. Snar rofyor rarirya, nari dayin oso ma iswar suminya, roḇa ido ḇyeuser faro oso ḇoi suminya ḇyefandun i ḇa. Mkopok mkoḇe manfyan faro Allah ma faro papus ba.”

Inja raris Allah fyamankor aḇris ro maper, ḇeḇesya ro ras ine ma meser sisawen si ro for, inja Allah ipokḇake fa fyamankor mko syadi wer, ne, mko snonkaku ḇekyar mnis ḇa?

Mḇoi woḇo buk farsarser ido, ḇramsi ḇar rasar ya ipok ifawi awer rosai ḇramsi ḇar raku ya ifrur ya. Iḇye farsarser ḇena buk na kuker yakyokef, insa Kmami ḇemam roi ḇeyokef na nari myunsu na faro au.”

“Mkoswarepen, mkofrur awer fandun agama mkoḇena ro ḇarpon snonkaku insa smam na, snar rofyor mkofrur rarirya, nari mkosma ḇaḇyak ḇa ro Kma mkoḇedi ro Boiyaswa.

“Ma rofyor mkofarfor, mkomam saneso awer imnis snonkaku ḇeḇarḇor. Smam saneso, insa snonkaku smam si skara sisya ro ḇaḇefarfor. Yakofen faro mko: Kaku ḇeri sisma ḇaḇyak sedi kwar. Ḇape rofyor waḇe befarfor, rwem ḇrumbri ma bansren mkamsi, insa snonkaku sya smam awer ausya ro ḇaḇefarfor, mḇoi derer Kma bedi ro moḇ beyokef. Mḇoi Kma ḇedi ḇemam roi ḇeyokef nari myunsu na faro au.”