Amaokwu Akwụkwọ Nsọ Ndị Ama Ama siteré na MATIUS 24

Kesaa

Karawi madab̄ae nawancuku roci nggetena sampe mboto dou mawatid̄u loa meci angi wali. Pala dou ma taha sampe cumpukaina, d̄ikasalama.

Ro Haba Mataho Karaja'an Saroga d̄i ngoa ra kahaba d̄i sara'a dunia, loakud̄u samenana dou d̄imaringana. Sawa'u b̄a ede ampona mai kiama.”

Nggomid̄oho d̄imaringa eli ncao ra ntub̄a ro haba lewa ra laka, pala aina dahu. B̄ara lampa rawi ede pab̄ua d̄imandad̄i. Pala ede lainapu wakatuna kiama.

Bangsa ma sab̄ua d̄imalewa lab̄o bangsa ma kalaina, ro negara ma sab̄ua d̄imamai dei negara ma kalaina. Tab̄e-b̄e d̄imawara bahaya sarahid̄o ro epu. Sara'ana ede ampode tampu'ukaina, b̄unesi pili ra'iu b̄a dou siwe ma wunga ne'e nggana.

Langi ro dunia d̄imambora, pala nggahi ra eli Nahu ngge'e mpa santoi-ntoina.”

B̄ara mboto dou d̄imamai kai ngara Nahu ro nanggahiku, ’Nahuku Sangaji Mambei salama!’ Siad̄oho d̄imatipu mboto dou.

Edempara nggomid̄oho d̄i wa'u ra leto rad̄iwa'a b̄a dou d̄i kancoki ro d̄i hade. Sara'a dunia d̄imadaca'u nggomid̄oho b̄ara nggomid̄oho anamori Nahu. D̄i wakatu ede mboto dou d̄imamurta, ro nakamab̄u angi ro nadaca'u sab̄ua d̄i sab̄ua dou. Mboto nabi-nabi palasu d̄imawontu, ro natipuku dou mamboto.

Cambe b̄a Ruma Isa, ”Aina kabare, ai to'ina nggomid̄oho b̄ohakai b̄a tipu.

B̄ara ndedena, nggomid̄oho rau pab̄uapu sadia. B̄ara Ana Manusia namai wunga dasanau nggomid̄oho.”

Ndad̄i, aina kabare, b̄ara nggomid̄oho wati b̄ademu b̄une aiku mai Rumamu.

”Wati wara ma b̄adena b̄une aiku ainain ra wakatuna, mala'eka-mala'eka d̄i saroga wati, Ana Ruma Hatalla rau wati b̄adena, cuma Ama mpoampa ma b̄ade.

B̄ara d̄imawontu dou-dou ma mbei salama ma palasu ro nabi-nabi palasu. Siad̄oho nakarawiku lampa rawi ma heba poda ro lampa rawi ma b̄isa ra guna d̄itipukaina, nggara loasi, ela Ruma Hatalla rau.

Namaisi Ana Manusia peade, ka'ada'an b̄une aipu jaman Nuh ntoina. Aipu ainain-ainaina sawatipu b̄a mbere na'e ede, dou-dou nangaha ra nono, ro nika. Ndede ncau-ncau sampe ainaina lu'ukai Nuh d̄i ade kapa. Wakatu mbere na'e ede maina d̄i sara'a siad̄oho, ampona kawara weki siad̄oho b̄a au ma wunga ndad̄i ede. B̄une ede rauku ka'ada'ana pea namaisi Ana Manusia.