Amaokwu Akwụkwọ Nsọ Ndị Ama Ama siteré na Luke 3

Kesaa

Oyate ki iyuha mniawiċakaṡtaƞpi ohakabya hehaƞl Jesus iƞṡ-eya mniakaṡtaƞpi. Ċekiya najiƞ eċuƞhaƞ Wak̇aƞṫaƞka maḣpiya ki yuzamni, na Woniya-Wak̇aƞ ki wakiƞyela aiyeċelya kutakiya hiyu na Jesus akaƞl iyotake. Wiċaho waƞ maḣpiyataƞhaƞ leċel hoṫaƞiƞ, “Miċiƞkṡi le niye na iyokipimayayelo,” eye.

Ċa John iyuha hewiċakiye, “Mni uƞ mniaċic̄aṡtaƞpi, eyaṡ waƞji misamtu ċa u. Haƞpa ki wec̄iyuṡkiƞ kte ki he e kʹeyaṡ imakipi ṡni. He iye Woniya-Wak̇aƞ na ṗeta uƞ niyuwak̇aƞpi ktelo.

Wowaḣtani hetaƞhaƞ nigluḣlayapi ki aiyeċel igluhapo uƞpo. Abraham ṫuƞkaṡilauƞyapi, keyapi ṡni yo. Oċic̄iyakapi ktelo, Wak̇aƞṫaƞka ċiƞ haƞtaƞṡ iḣʹe ki lena e kʹeyaṡ Abraham ṫawiċoiċaġe wiċakaġa okihi yelo!

Ċaƞ-ikakse ki wana glume. Waskuyec̄a ċaƞ kʹeyaṡ aiyeċetu ṡni waƞ hena kauƞgya iḣpeyiƞ na ṗeta el oiḣpeyiƞ ktelo,” eya owiċakiyake.

Wiċaṡa-wak̇aƞ-waayaṫaƞiƞ Isaiah oiye owa kʹuƞ he iyeċetu, “Wiċaho waƞ manitaƞhaƞ hoṫaƞiƞ: ‘Niṫawaċiƞ na niṫoḣʹaƞ ki Iṫaċaƞ kic̄iyuwiƞyeyapo; oċaƞku waṡte ċa kic̄iyuwiƞyeyapi iyeċel. Taku ki iyuha gluowoṫaƞlapo, Ċaƞku ċa osmaka na oṡkiṡki ohaƞ owoṫaƞla kaġapi iyeċel, Waċiƞṫaƞgya opiicʹiyapo. Heċel oċaƞku waṡte waƞji kic̄ihiƞ ktelo. Na heċel Wak̇aƞṫaƞka oyate ki niwiċaye ki akiblezapi ktelo,’ eya hoṫaƞiƞ.” Isaiah leċeḣc̄i owa.