Amaokwu Akwụkwọ Nsọ Ndị Ama Ama siteré na Kejadian 13

Kesaa

Tana smua yang ko ada liat itu, nanti Sa kasi tana itu ke ko deng ko pu anana cucu. Sampe nanti, tana ini tetap dong punya.

Waktu Lot su kas tinggal tempat itu, TUHAN bicara lagi ke Abram. TUHAN bilang, “Dari tempat yang ko ada bediri ni, ko liat kliling skarang, liat baik-baik ke ara timur, barat, utara deng slatan!

Juga nanti Sa bikin ko pu anana cucu jadi banyak skali. Dong pu banyak tu macam debu tana pu banyak, tra bisa hitung dong pu banyak.

Jadi suda, satu kali begini Abram de pigi bicara ke Lot begini, “Kitong dua ni sodara jadi, lebi baik tong tra baku ribut begini. Sa deng ko, sama sa pu orang-orang yang jaga kambing domba deng ko pu orang-orang yang jaga kambing domba juga, tra bole baku ribut.

Suda, habis itu Abram de kas rapi de pu tenda trus de pinda ke Hebron. Trus de kas bediri de pu tenda dekat pohon-pohon besar skali yang di daera Mamre. Baru, Abram de susun batu untuk bikin tempat bakar korban untuk TUHAN disitu.

Suda, Lot de buang mata trus de liat kliling. Pas di daera tana renda di daera kali Yordan sampe ke kota Zoar tu, de liat tempat itu smua ada air banyak, kliatan macam TUHAN pu taman Eden begitu, hampir sama deng tana Mesir. Ini waktu TUHAN blum kas hancur kota Sodom deng Gomora rata deng tana.