Amaokwu Akwụkwọ Nsọ Ndị Ama Ama siteré na İoan 19

Kesaa

Açan İisus sirkeyi dattı, dedi: «Tamannandı!» Sora iiltti başını da salverdi Duhunu.

Bundan sora İisus, bileräk ani şindi hepsi tamannandı, tamannansın deyni Ayoz Yazı, dedi: «Susadım».

Açan İisus gördü anasını hem, durarak onun yanında, üüreniciyi, angısını sevärdi, dedi Kendi anasına: «O, karı! Tä, bu senin oolun!» Sora dedi üürenicisinä: «Tä, bu senin anan!» Ondan sora bu üürenici aldı İisusun anasını kendi evinä.

Ama açan yaklaştılar İisusa, gördülär ani O ölü, onun için onnar kırmadılar Onun baldırlarını. Ama askerlerdän birisi sapladı Onun iyesini süngüylän, da birdän kan hem su aktı.

Bu bölä oldu, ki tamannansın Ayoz Yazı: «Onun kemiklerindän biri bilä falanmayacek». Başka erdä Ayoz Yazı deer: «Bakaceklar Ona, Kimi sapladılar».

İisus Kendi götürärdi stavrozu omuzunda da çıktı o erä, ani dener «Baş kemii eri», çıfıtçasına «Golgofa».

Askerlär ördülär tikenni çalıdan feneţ da koydular İisusun başına. Giidirdilär Onu ergivan rubaylan