Amaokwu Akwụkwọ Nsọ Ndị Ama Ama siteré na Luka 17

Kesaa

Mba Yesu yamwamba ngwenyi: “Katuka, yako kwe. Ufulielo we hiwakuwuka.”

Nyi makuvulumuna yisuho shimbiali ha tangwa limuwika, ni yisuho yeswe meza kuli yena nikwamba ngwenyi: ‘Ngukonekene kama’, chatamba kumukonekena.”

Umuwika hakachi ko, muze hamona chize habema, yahiluka nikuchichimieka Zambi ni liji linene, yafulamana ku molu ja Yesu, yamusakwila. Mutu yoze te Kasamaria.

Kanyamenu yenwene! “Nyi mukwenu makuvulumuna, muukumike. Nyi malumuka ku mbunge, mukonekene.

Mba Yesu yahula: “Ngwami, eswe kumi kaabemanga, nyi? Mba akwo livwa alihiyo?

Neye ngwenyi: “Nyi nuli ni ufulielo ngwe lunona wa mostarde, kachi munuhasa kwambila mutondo uno ngwenu: ‘Tangumuka, ulitumbe mu kalunga lwiji,’ newo kumuunwononokena.”

Yoze makafupa kulamwina mwono wenyi, kumakautokesa. Alioze yoze makatokesa mwono wenyi, kumakaulamwina.

Yesu yambila tumbaji twenyi ngwenyi: “Yuma yakuvulumwisa atu muyikabwa matangwa eswe, alioze lamba lienyi mukwa kuvulumwisa! Chinalite amukase liwe linene ha kota, ni kumumbila mu kalunga lwiji, kuhiana chize mavulumwisa umwe wa kuli wano akepe.

Ngwe chize chabwile ha matangwa ja Noa Chenacho muchikabwa nawa ha matangwa ja Mwana Mutu. Atu yaahaha, yaanwanwa, yaalimbatambata, yaalihangisahangisa ku malo, ndoo tangwa lize Noa anjilile mu ulungu. Mba sanga ha meya yiliza, yilionona eswe.