Amaokwu Akwụkwọ Nsọ Ndị Ama Ama siteré na Matius 7

Kesaa

“Perapimo nte Alatala bo radekeiNa ka komiu. Elomo bo rakavamiu. Tanedemo vamba bo vamba raunggeNa ka komiu.

Apa isema-sema merapi, kana radekei ka ia. Isema-sema mompaelo kana rakavana. Bo isema-sema mantanede vamba, kana raungge ka ia.

“Jadi isema-sema mangepe tesaKu bo mangoseakana, ia nasimbayu ante topande novia banuana ri bavo vatu.

“Jadi nuapa-nuapa rapodotamiu rapovia ntona ka komiu, ivesia muni rapoviamiu ka tona. Sabana parenta haitumo isi nu Atura agama bo pepatuduki nu nabi-nabi nggaulu.

Tapi napiimo vamba bo nakaja dala manggava katuvua nabelo bo ledo nadea tona nangosena.”

Pesuamo ri bobaa napii, sabana naluo bobaa bo nabelo dala hau ri narakaa, bo nadea muni tona nangosena.

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

“Nee mompakasala tona ntanina ala komiu ledo rapakasala nu Alatala. Apa komiu ratangara nu Alatala nangoseaka kabiasamiu mboto mombatangara tona ntanina. Posuka nipakemiu mosuka ka tona ntanina, haitu muni rapake nu Alatala mosuka ka komiu.

Tapi isema-sema mangepe tesaKu bo ledo nioseakana, ia nadoyo nasimbayu eva tona novia banuana ri bavo bone.

Nakuya komiu namala manggita dosa roamiu nakodi eva garupu ri matana, tapi dosamiu mboto nambaso eva baloti ri matamiu mboto ledo nikitamiu? Berimba komiu manguli ka roamiu, ‘Mai, kulelaka garupu ri matamiu,’ iyapa ri matamiu mboto naria baloti!

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa. Rasanimiu ira lako ri pokainggura. Vua anggur ledo nipupu lako ri lemo ntasi bo vua ara ledo nipupu lako ri kavoko nggarui.

Ivesia muni kayu naboya novua nabelo, tapi kayu nangguru ledo novua nabelo.

Ledo ria kayu nabelo novua nadaa. Bo ledo muni naria kayu nangguru novua nabelo.

Pura-pura kayu ledo nabelo vuana kana ratovo bo ratedeaka riara apu.